తెలంగాణ రాజకీయాలపై అడ్వకేట్ శరత్ విశ్లేషణ: బీజేపీ ప్రగతిశీల విధానం అవసరం

తెలంగాణలో బీజేపీ అధికారంలోకి రావాలంటే పార్టీ మరింత ప్రగతిశీలంగా మారాలని అడ్వకేట్ శరత్ అభిప్రాయపడ్డారు. కమ్యూనిస్ట్, ముస్లిం ప్రభావం ఉన్న రాష్ట్రంలో హిందుత్వాను కొంత సడలించకుంటే బీజేపీకి కష్టమని చెప్పారు.

జాతీయ రాజకీయాలతో పోలిస్తే తెలంగాణలో పరిస్థితి భిన్నంగా ఉందన్న ఆయన, రాష్ట్రంలో బీజేపీ అంతర్గత పోరు, నాయకుల మధ్య సమన్వయం లేమి సమస్యగా ఉందన్నారు. ఎంపీలు రాష్ట్రంపై కాకుండా కేంద్రంలో మంత్రి పదవిపై దృష్టి పెట్టారని, దీంతో రాష్ట్ర స్థాయిలో పార్టీ బలం దెబ్బతిందని వివరించారు.

బీసీ వర్గాలపై దృష్టి పెడితే బీజేపీకి లాభం జరుగుతుందని శరత్ తెలిపారు. 2019లో తెలంగాణ నుంచి 8 ఎంపీ స్థానాలను గెలుచుకోవడం బీజేపీకి అంత కష్టమైన పని కాదని, వ్యూహాల్లో మార్పు తెచ్చుకుంటే సత్ఫలితాలు ఉంటాయన్నారు.

బీఆర్ఎస్ విషయంలో శరత్ మాట్లాడుతూ, గ్రామీణ ప్రాంతాల్లో బీఆర్ఎస్ క్యాడర్ బలంగా ఉన్నప్పటికీ మళ్లీ అధికారంలోకి రావడం కష్టమన్నారు. ప్రస్తుతం బీఆర్ఎస్ నాయకులు రైతు రుణమాఫీ, రైతుబంధు వంటి అంశాలపై కొత్త హామీలు ఇవ్వడం లేదని, కేవలం రేవంత్ రెడ్డిపై విమర్శలతో మాత్రమే రాజకీయం చేయడం సరికాదని విశ్లేషించారు.

కాంగ్రెస్ పరిస్థితిపై మాట్లాడుతూ, మున్సిపల్ ఎన్నికల్లో రేవంత్ రెడ్డికి మంచి ఫలితం వచ్చిందని, కానీ బీఆర్ఎస్ నుంచి కాంగ్రెస్‌లో చేరిన వారి వల్ల కార్యకర్తల్లో అసంతృప్తి ఉందని తెలిపారు. వీరు వ్యాపార ప్రయోజనాలతో పార్టీ మారారని, దీంతో సహజ కాంగ్రెస్ కార్యకర్తలు నిరాశ చెందారని శరత్ అభిప్రాయపడ్డారు.