ఎయిర్ ఇండియా విమానంలో భారీ కుదుపులు; పైలట్ డోప్ టెస్ట్‌లో ఫెయిల్ అయ్యాడని ప్రచారం

ఏప్రిల్ 4న ఫుకెట్ నుంచి ఢిల్లీ వస్తున్న ఎయిర్ ఇండియా విమానం ఒక్కసారిగా 300 అడుగుల ఎత్తును కోల్పోయింది. దీంతో విమానంలో భారీ కుదుపులు రావడంతో ప్రయాణికులు భయాందోళనకు గురయ్యారు.

ఈ ఘటనపై డైరెక్టరేట్ జనరల్ ఆఫ్ సివిల్ ఏవియేషన్ (DGCA) దర్యాప్తు ప్రారంభించింది. ఈ నేపథ్యంలో పైలట్ మద్యం సేవించి ఉన్నారనే ప్రచారం జోరుగా సాగుతోంది.

ఢిల్లీ ల్యాండింగ్ తర్వాత ఇద్దరు పైలట్లకు డోప్ టెస్ట్ నిర్వహించగా, ఒకరు ఫెయిల్ అయ్యారని వార్తలు వచ్చాయి. అయితే, ఎయిర్ ఇండియా ఈ ఆరోపణలను ఖండించింది. "డోప్ టెస్ట్ ఫలితాలపై తమకు అధికారికంగా ఎలాంటి సమాచారం లేదు" అని ఎయిర్ ఇండియా ప్రతినిధి తెలిపారు.

ఈ ఘటనపై DGCA దర్యాప్తు కొనసాగుతోంది. దర్యాప్తు పూర్తయ్యే వరకు ఇద్దరు పైలట్లను విధుల నుంచి తాత్కాలికంగా తప్పించినట్లు ఎయిర్ ఇండియా వర్గాలు తెలిపాయి.