విమానంలో చెవులు మూసుకుపోవడానికి కారణం ఏమిటి?

విమానం టేక్ ఆఫ్ అవుతున్నప్పుడు లేదా ల్యాండింగ్ సమయంలో చెవులు మూసుకుపోయినట్టు అనిపించడం సాధారణం. వైద్య భాషలో దీన్ని 'airplane ear' లేదా 'ear barotrauma' అంటారు.

చెవిలో యూస్టేషియన్ ట్యూబ్ అనే చిన్న మార్గం ఉంటుంది. ఇది గాలి ఒత్తిడిని సమతుల్యం చేస్తుంది. విమానం వేగంగా ఎత్తుకు వెళ్ళినప్పుడు లేదా హఠాత్తుగా కిందకు దిగినప్పుడు గాలి ఒత్తిడి వేగంగా మారుతుంది. ఈ మార్పుకు యూస్టేషియన్ ట్యూబ్ వెంటనే స్పందించలేకపోతుంది. దీనివల్ల చెవులు బ్లాక్ అయినట్టు అనిపిస్తుంది.

కొందరికి తేలికపాటి నొప్పి, తల తిరగడం, చెవిలో శబ్దాలు వినిపించవచ్చు. జలుబు, sinus వంటి సమస్యలు ఉన్నవారికి ఈ సమస్య ఎక్కువగా వస్తుంది. చిన్న పిల్లల్లో కూడా ఇది కనిపిస్తుంది.

టేక్ ఆఫ్ లేదా ల్యాండింగ్ సమయంలో నీరు తాగడం, మింగడం, ఆవలించడం వల్ల ఒత్తిడి తగ్గుతుంది. చిన్న పిల్లలకు పాలు లేదా నీరు ఇవ్వడం సహాయపడుతుంది.