లెనిన్: 100 కోట్ల గ్రాస్ పోస్టర్ విడుదల, వాస్తవ వసూళ్లు 72 కోట్లేనని నెటిజన్ల ట్రోలింగ్

నటుడు అఖిల్ అక్కినేని ప్రధాన పాత్రలో నటించిన 'లెనిన్' సినిమా 100 కోట్ల గ్రాస్ పోస్టర్ వివాదంలో చిక్కింది. సినిమా విడుదలైన 20 రోజుల తర్వాత నిర్మాతలు 100 కోట్ల గ్రాస్ పోస్టర్ రిలీజ్ చేశారు. కానీ సినిమా అసలు వసూళ్లు ఇప్పటివరకు దాదాపు 72 కోట్లు మాత్రమే అని ట్రేడ్ వర్గాలు తెలుపుతున్నాయి.

28 కోట్లు కలిపి 100 కోట్ల పోస్టర్ వేశారని నెటిజన్లు ట్రోలింగ్ ప్రారంభించారు. సినిమాకు నాగార్జున సహ నిర్మాతగా ఉండటంతో ఈ విమర్శలు మరింత వ్యక్తమవుతున్నాయి. రెండు వారాల తర్వాత లెనిన్ వసూళ్లు బాగా తగ్గిపోయాయని, 75 కోట్లు దాటడం కూడా కష్టమేనని బాక్సాఫీస్ వర్గాలు చెబుతున్నాయి.

టాలీవుడ్‌లో ఇటీవల కలెక్షన్లు పెంచి చూపించడం సర్వసాధారణంగా మారింది. యంగ్ హీరోల సినిమాల విషయంలో ఫస్ట్ డే నుంచి 100, 200 కోట్ల పోస్టర్లు వేస్తున్నారని, ఇవి ఎంతవరకు నిజమో తెలియడం లేదని విమర్శకులు అంటున్నారు. గతంలో 'గేమ్ ఛేంజర్' సినిమా ఫస్ట్ డే 100 కోట్లు దాటకపోయినా 186 కోట్ల పోస్టర్ వేసిన సంగతి తెలిసిందే.

తాజాగా లెనిన్ విషయంలో అఖిల్‌కు పరోక్షంగా నాగార్జున నిర్మాత కావడంతో 'మీకిది తగునా' అంటూ నెటిజన్లు కామెంట్లు చేస్తున్నారు. అయితే ఈ పోస్టర్ విడుదలపై నిర్మాతల నుంచి ఇంకా స్పందన రాలేదు.