అల్లు అర్జున్, మహేష్ బాబు మల్టీప్లెక్స్ విస్తరణ: విశాఖ, హైదరాబాద్‌లో కొత్త స్క్రీన్లు

నటుడు అల్లు అర్జున్ తన మల్టీప్లెక్స్ చైన్ అల్లు సినిమాస్ ను విశాఖపట్నంలో విస్తరిస్తున్నారు. ఈ మల్టీప్లెక్స్ ఆగస్టు రెండవ వారంలో ప్రారంభం కానుంది. ఇందులో మొత్తం 8 స్క్రీన్లు అందుబాటులో ఉంటాయి.

70/30 అడుగుల భారీ LED స్క్రీన్ సెప్టెంబర్ నుంచి ప్రేక్షకులకు అందుబాటులోకి వస్తుంది. ఆ స్క్రీన్‌లో 491 సీట్ల సామర్థ్యంతో పాటు డాల్బీ అట్మాస్ సౌండ్ సిస్టమ్ ఉంటుంది. మిగిలిన ఏడు స్క్రీన్లలో వివిధ సీటింగ్ సామర్థ్యాలు (34 నుంచి 436 వరకు) ఉన్నాయి.

అల్లు అర్జున్ ఇదివరకు మార్చ్‌లో హైదరాబాద్‌లోని కోకాపేట్‌లో అల్లు సినిమాస్ మల్టీప్లెక్స్‌ను ప్రారంభించారు. అందులో 75 అడుగుల డాల్బీ స్క్రీన్, ఐదు లగ్జరీ స్క్రీన్లు ఉన్నాయి.

మరోవైపు నటుడు మహేష్ బాబు AMB బ్రాండ్ ద్వారా మల్టీప్లెక్స్ విస్తరణ చేపట్టారు. ఇటీవల బెంగళూరులో కొత్త థియేటర్ ప్రారంభించారు. హైదరాబాద్ RTC క్రాస్ రోడ్స్‌లో ఏడు స్క్రీన్లతో AMB క్లాసిక్ రాబోతోంది. హకీంపేట్‌లో మరో బ్రాంచ్ ప్లాన్ చేస్తున్నారు. చెన్నై, గోవాలోనూ మల్టీప్లెక్స్‌ల నిర్మాణానికి ప్రయత్నాలు జరుగుతున్నాయి.

నటులు రవితేజ, విజయ్ దేవరకొండ కూడా మల్టీప్లెక్స్ వ్యాపారంలోకి ప్రవేశిస్తున్నారు. టాలీవుడ్ నటులు తమ పర్సనల్ బ్రాండ్ వాల్యూ ఉపయోగించుకుని థియేటర్ పెట్టుబడులు పెడుతున్నారు.