అల్లు అర్జున్ 'రాక'లో నలుగురు హీరోయిన్లు, లోకేష్ మూవీలో హీరోయిన్ లేదు: వార్తలు

నటుడు అల్లు అర్జున్ తదుపరి చిత్రాల గురించి కీలక నివేదికలు వెలువడ్డాయి. అట్లీ దర్శకత్వంలో తెరకెక్కుతున్న 'రాక' చిత్రంలో దీపికా పదుకునే హీరోయిన్‌గా నటిస్తున్నారు. ఆమెతో పాటు మరో ముగ్గురు హీరోయిన్లు నటించే అవకాశం ఉందని సినీ వర్గాల సమాచారం. రష్మిక మందన్న, మృణాల్ ఠాకూర్, జాన్వీ కపూర్ పేర్లు చర్చలో ఉన్నాయి. ఈ చిత్రాన్ని రెండు భాగాలుగా రూపొందించే యోచన ఉందని తెలుస్తోంది.

'రాక' షూటింగ్ ముగిసిన తర్వాత అల్లు అర్జున్ లోకేష్ కనగరాజ్ దర్శకత్వంలో మరో చిత్రంలో నటించనున్నారు. గతంలో ఈ చిత్రంలో హీరోయిన్‌గా పూజా హెగ్డే పేరు వినిపించినప్పటికీ, ప్రస్తుతం లోకేష్ నో హీరోయిన్ ఫార్మెట్‌తో సినిమా తీయాలని నిర్ణయించినట్లు సమాచారం. యాక్షన్ స్క్రీన్‌ప్లేపై దృష్టి పెట్టారు. ఖైదీ, విక్రమ్ సినిమాల తరహాలో ఈ చిత్రం ఉంటుందని అంటున్నారు.