అమర్నాథ్ మంచు శివలింగం కరుగుతుందన్న ఆందోళన; అధికారులు కారణాలు వెల్లడి

అమర్నాథ్ యాత్ర ప్రారంభమై నాలుగు రోజులే అవుతున్న తరుణంలో మంచు శివలింగం కరిగిపోవడం భక్తుల్లో ఆందోళన కలిగిస్తోంది.

జమ్మూ కాశ్మీర్‌లోని అమర్నాథ్ గుహలో సహజసిద్ధంగా ఏర్పడిన ఈ శివలింగం ఈ ఏడాది త్వరగానే కరిగిపోతున్నట్లు అధికారిక వర్గాలు తెలిపాయి. ఇప్పటివరకు 87 వేల మందికి పైగా భక్తులు శివలింగాన్ని దర్శించుకున్నారు. రక్షాబంధన్ పండుగతో ఆగస్టు 19న యాత్ర ముగుస్తుంది. మొత్తం నాలుగు లక్షల మంది రిజిస్ట్రేషన్ చేసుకోగా, ఇప్పటికి దాదాపు లక్ష మంది భక్తులు దర్శనం పూర్తిచేసుకున్నారు.

గతంలో బీఎస్ఎఫ్ విడుదల చేసిన చిత్రాల ప్రకారం, యాత్ర ప్రారంభంలో శివలింగం 5 అడుగుల ఎత్తులో ఉండగా, ఇటీవల 7 అడుగులకు చేరింది. కానీ ప్రస్తుతం అది కరిగి పూర్తిగా కనుమరుగయ్యే పరిస్థితికి చేరిందని అధికారులు చెబుతున్నారు.

ఈ కరగడానికి వాతావరణ మార్పులు, గుహలోకి ప్రవేశించే నీటిలో మార్పు, ఎండ తీవ్రత, భక్తుల అధిక రద్దీ ప్రధాన కారణాలని అధికారులు, వాతావరణ నిపుణులు వివరించారు. ప్రస్తుతం అధికారులు పరిస్థితిని గమనిస్తున్నారు. మిగిలిన రోజుల్లో భక్తులు దర్శనానికి ఎటువంటి అంతరాయం ఉండదని వారు స్పష్టం చేశారు.