అంతర్గత భద్రత సమీక్ష సమావేశం చేపట్టిన హోం మంత్రి అమిత్ షా; పారామిలిటరీ డీజీలు, IB చీఫ్ హాజరు

హోం మంత్రి అమిత్ షా బుధవారం పార్లమెంట్ హౌస్‌లో దేశ అంతర్గత భద్రత సమీక్ష సమావేశం నిర్వహించారు. అన్ని పారామిలిటరీ బలగాల డైరెక్టర్ జనరల్స్ (డీజీలు), హోం శాఖ కార్యదర్శి, ఇంటెలిజెన్స్ బ్యూరో (IB) చీఫ్ ఈ ఉన్నత స్థాయి సమావేశంలో పాల్గొన్నారు. ప్రస్తుత పార్లమెంటు సమావేశాల మధ్య జరిగిన ఈ భేటీ దేశంలోని శాంతి భద్రతల పరిస్థితులను సమీక్షించడం కోసమే. ఇటీవల జంతర్ మంతర్ వద్ద చోటు చేసుకున్న నిరసన, ఆ సందర్భంగా ఉద్యమకారులపై జరిగిన లాఠీచార్జి వంటి ఘటనల నేపథ్యంలో ఈ భద్రతా సమీక్ష ప్రాధాన్యతను సంతరించుకుంది. ఛత్తీస్‌గఢ్‌లో యాంటీ నక్సల్ ఆపరేషన్ల తీరు, జమ్మూకాశ్మీర్, ఈశాన్య రాష్ట్రాల్లో భద్రతా పరిస్థితులు కూడా చర్చల్లో ప్రాధాన్యతకెక్కాయి. గత రాత్రి కూడా అమిత్ షా పార్లమెంటు భవనంలో చాలాసేపు సమావేశం నిర్వహించినట్లు వార్తలొచ్చాయి. జాతీయ రాజధానిలో ఇటీవలి ఆందోళనల్లో పెద్ద సంఖ్యలో విద్యార్థుల ప్రమేయం ఉన్న నేపథ్యంలో... భద్రతా ఏజెన్సీలు పూర్తి స్థాయి మూల్యాంకనం చేస్తున్నాయి. సమావేశం అనంతరం అంతర్గత భద్రతపై మరిన్ని చర్యలు చేపట్టే అవకాశముంది.