అమ్మ నాన్న అనాథ ఆశ్రమం లో బియ్యం నిల్వలు సరిపోకపోవడంతో సహాయ విజ్ఞప్తి

నవీన్ మల్లిపెది పుట్టినరోజు సందర్భంగా ఆయన కుటుంబం అమ్మ నాన్న అనాథ ఆశ్రమానికి వెళ్లి అన్నదానం నిర్వహించింది. ఈ సందర్భంగా వారు ఆశ్రమం పనితీరును ప్రశంసించారు.

ఈ ఆశ్రమంలో 500 మంది అనాథలు నివసిస్తున్నారు. ఆశ్రమం నిర్వాహకులు రోజుకు మూడు పూటలా 1500 మందికి అన్నదానం నిర్వహిస్తున్నారు. అయితే బియ్యం నిల్వలు తగ్గిపోవడంతో అన్నదానం కొనసాగించడం కష్టమవుతోంది.

ఈ నేపథ్యంలో ఆశ్రమం ప్రతినిధులు ప్రజల సహాయం కోరారు. అనాథల కోసం బియ్యం లేదా ఇతర సహాయం అందించాలని విజ్ఞప్తి చేశారు. చిన్న సాయమైనా నలుగురి ఆకలి తీర్చడానికి ఉపయోగపడుతుందని తెలిపారు.