అనకాపల్లి సినిమా ఏడవ తేదీన విడుదల కానుంది

అనకాపల్లి సినిమా ఏడవ తేదీన విడుదల కానుంది. దర్శకుడు త్రినాధరావు ఈ చిత్రానికి కథ, స్క్రీన్‌ప్లే అందించి నిర్మాతగా వ్యవహరించారు. చిత్రంలో ఆయన తండ్రి పాత్రలో కూడా నటించారు.

విక్రమ్, సంధ్య హీరో హీరోయిన్లుగా నటించగా, తారక్ పొన్నప్ప, ఇంద్రజ ముఖ్యమైన పాత్రలు పోషించారు. సంగీతాన్ని దేవా సమకూర్చారు.

సినిమా పూర్తి కుటుంబ కథగా రూపొందింది. తల్లీ-కొడుకుల మధ్య అనుబంధం, తండ్రి పాత్ర, హీరో సూర్యకు బుల్లెట్ అనే గ్యాంగ్‌స్టర్ తరహా వ్యక్తితో స్నేహం వంటి అంశాలతో కథ నడుస్తుంది. చిత్రంలో వచ్చే కాన్ఫ్లిక్ట్, దాని పరిష్కారం కుటుంబం దృష్ట్యా చూపిస్తామని దర్శకుడు తెలిపారు.

త్రినాధరావు మాట్లాడుతూ, ఇంద్రజ నటన సహజంగా ఉండి సన్నివేశాలు చిత్రీకరించడం సులువైందన్నారు. నటీనటులు తక్కువ పారితోషికంతో సినిమా చేయడానికి ముందుకొచ్చారని, హీరో విక్రమ్ పూర్తి సహకారం అందించారని చెప్పారు. సొంతంగా నిర్మించిన ఈ సినిమా ప్రేక్షకులకు నచ్చుతుందని నమ్మకం వ్యక్తం చేశారు.

సినిమా ఫ్యామిలీ డ్రామా పాయింట్లతో ఆకట్టుకుంటుందని, ఆడియన్స్ను ఎంగేజ్ చేస్తుందని దర్శకుడు విశ్వాసం ప్రకటించారు.