యాంటీ పేపర్ లీక్ బిల్లుపై నేడు లోక్‌సభలో చర్చ; 10 ఏళ్ల జైలు ప్రతిపాదన

గత కొంతకాలంగా దేశంలో పలు పోటీ పరీక్షల పేపర్ లీకేజీలు జరుగుతున్న నేపథ్యంలో కేంద్ర ప్రభుత్వం యాంటీ పేపర్ లీక్ బిల్లును ప్రవేశపెట్టింది. నేడు లోక్‌సభలో ఈ బిల్లుపై చర్చ జరగనుంది. రిక్రూట్‌మెంట్, ఎంట్రన్స్ పరీక్షల్లో జరిగే పేపర్ లీక్, కాపీయింగ్ అక్రమాలను నిరోధించడం ఈ బిల్లు లక్ష్యం.

ఈ బిల్లు ప్రకారం, పేపర్ లీక్ చేసిన నిందితులకు 5 ఏళ్ల నుంచి 10 ఏళ్ల వరకు జైలు శిక్ష, ₹50 లక్షల నుంచి ₹10 కోట్ల వరకు జరిమానా విధిస్తారు. ఒకవేళ ఈ బిల్లు చట్టంగా మారితే, పేపర్ లీక్ కేసుల్లో నమోదైన అక్రమాలపై కఠినంగా వ్యవహరించవచ్చు.

చర్చ అనంతరం బిల్లుపై ఓటింగ్ నిర్వహించి, లోక్‌సభ ఆమోదం తీసుకోనున్నారు.