DSC కాల్ లెటర్ అంటే ఉద్యోగం ఖాయం కాదు: ఏపీ విద్యాశాఖ కార్యదర్శి కోన శశిధర్ స్పష్టీకరణ

DSC కాల్ లెటర్ అందుకున్నంత మాత్రాన ఉద్యోగం ఖాయం కాదని, అది కేవలం సర్టిఫికెట్ వెరిఫికేషన్ కోసమే అని ఏపీ విద్యాశాఖ కార్యదర్శి కోన శశిధర్ వివరించారు. కాల్ లెటర్ పై స్పష్టత కోసం ఆయన ఒక అభ్యర్థి ఉదాహరణ ఇచ్చారు.

చిత్తూరు జిల్లా అభ్యర్థి ఏకాంబరం BC-D కేటగిరీలో 125వ ర్యాంక్ సాధించారు. ఈ కేటగిరీలో 7 పోస్టులకు మెరిట్ 116 ర్యాంక్ వరకు వచ్చింది, తదుపరి ర్యాంక్గా ఆయన ఎంపిక ఆశించారు. అయితే BC-D లోనే ఫిజికల్లీ హ్యాండిక్యాప్డ్ కోటా కింద దరఖాస్తు చేసిన ఇద్దరు అభ్యర్థులు బుసిరెడ్డి రవి, లక్ష్మణుడు మెడికల్ బోర్డు పరీక్షల్లో అనర్హులయ్యారు. హారిజాంటల్ రిజర్వేషన్ నిబంధనల ప్రకారం వారి స్థానాలు తదుపరి అభ్యర్థులకు కేటాయించాలి. ఆ తదుపరి అభ్యర్థులు కూడా BC-D కేటగిరీకే చెందడంతో ఆ రెండు సీట్లు అక్కడే నిండిపోయాయి. దీనివల్ల ఏకాంబరంకు అవకాశం లభించలేదు.

హారిజాంటల్ రిజర్వేషన్ డైనమిక్ ప్రక్రియ అని, కాల్ లెటర్ పంపించడం మాత్రమే ఎంపికను నిర్ధారించదని కార్యదర్శి స్పష్టం చేశారు. కాల్ లెటర్ లో ఈ విషయం బోల్డ్ లెటర్స్ లో రాసినట్లు తెలిపారు. మూడు స్థాయిల్లో గ్రీవెన్స్ పరిష్కార వ్యవస్థ ఉన్నదని, 33,000 గ్రీవెన్స్ లకు ఇప్పటికే వివరణ ఇచ్చామన్నారు.

DSC పరీక్షల్లో ఎక్కడా ట్రాన్స్పరెన్సీ దెబ్బతినలేదని, TCS అయాన్ సిస్టమ్ ద్వారా జరిగిన పూర్తి ప్రిపేర్డ్ రిక్రూట్మెంట్లో ప్రశ్నపత్రాలు జంబుల్ ఎంక్రిప్షన్ సదుపాయం ఉండడం వల్ల లీకేజీలకు ఆస్కారం లేదని చెప్పారు. రిజెక్షన్ లిస్ట్ ఏదీ ప్రకటించబోమని, ఆన్లైన్ ప్లాట్ఫామ్ ద్వారా అన్ని వివరాలు అందుబాటులో ఉంటాయని కార్యదర్శి తెలిపారు.