ఏపీ జూనియర్ డాక్టర్ల స్టైఫండ్ పెంపుపై నేడు కమిటీ భేటీ

ఆంధ్రప్రదేశ్‌లో జూనియర్ డాక్టర్ల స్టైఫండ్ పెంపుపై హైకోర్టు ఆదేశాల మేరకు ఏర్పాటు చేసిన కమిటీ ఈరోజు సమావేశమవుతోంది. మంగళగిరిలోని వైద్య ఆరోగ్య శాఖ ప్రధాన కార్యాలయంలో ఈ భేటీ జరుగుతుంది.

ఈ సమావేశంలో జూనియర్ డాక్టర్లు, హౌస్ సర్జన్లు, పీజీ వైద్య విద్యార్థుల స్టైఫండ్ విధానంపై సమగ్రంగా చర్చించనున్నారు. ప్రస్తుతం రాష్ట్రంలో అమలులో ఉన్న స్టైఫండ్ విధానాన్ని కమిటీ పరిశీలిస్తుంది. విద్యార్థులకు కలిగే అవకాశాలు, ప్రభుత్వంపై పడే ఆర్థిక భారం తదితర అంశాలపై చర్చ ఉంటుంది.

కమిటీ చైర్మన్‌గా వైద్య ఆరోగ్య శాఖ కార్యదర్శి జి. వీరా పాండ్యన్ వ్యవహరిస్తున్నారు. కన్వీనర్‌గా డా. విష్ణువర్ధన్ ఉన్నారు. సమావేశం తర్వాత కమిటీ తన సిఫార్సులను ప్రభుత్వానికి అందజేయనుంది.