నేపాల్ ఫ్లాష్ ఫ్లడ్ ప్రభావంతో బిహార్ వాల్మీకి నగర్‌లో హై అలర్ట్

టిబెట్, నేపాల్‌లో సంభవించిన ఫ్లాష్ ఫ్లడ్‌ల ప్రభావంతో బిహార్‌లోని పశ్చిమ చంపారన్ జిల్లా వాల్మీకి నగర్ బ్యారేజీ, గండక్ బ్యారేజీ సహా దిగువ ప్రాంతంలోని నదీతీర పంచాయతీలు, బ్లాక్‌లను అధికారులు హై అలర్ట్‌లో ఉంచారు. జలవనరుల శాఖ ఫీల్డ్ టీమ్‌లు కూడా అప్రమత్తంగా ఉన్నాయి. జిల్లా మేజిస్ట్రేట్, ఎస్పీతో పాటు అధికారులు వివిధ కట్టలను, వాల్మీకి నగర్ బ్యారేజీని సందర్శించి పరిస్థితిని సమీక్షించారు.

నేపాల్‌లోని దేవఘాట్ వద్ద నీటి ప్రవాహం ఇప్పటికే పెరిగిందని, దాదాపు 9 గంటలకు ఈ నీరు బ్యారేజీ వద్దకు చేరుతుందని అధికారులు తెలిపారు. అయితే బ్యారేజీ వద్ద నీటి మట్టం ప్రమాద స్థాయి కంటే తక్కువగానే ఉంటుందని అంచనా. దీంతో పరిస్థితి సాధారణంగానే ఉంటుందని అధికారులు పేర్కొన్నారు.

వాల్మీకి నగర్ బిహార్, నేపాల్ సరిహద్దులో గండక్ నదిపై ఉన్న కీలక బ్యారేజీ. నేపాల్ నుంచి వచ్చే వరద నీరు ఈ బ్యారేజీ మీదుగా బిహార్‌లోకి ప్రవేశిస్తుంది. అందుకే నదీతీర ప్రాంతాల ప్రజలను అప్రమత్తం చేశారు. లోతట్టు ప్రాంతాల్లో ఉన్నవారిని ఎత్తయిన ప్రదేశాలకు వెళ్లాలని అధికారులు సూచించారు. ప్రజలు భయపడాల్సిన అవసరం లేదని, యంత్రాంగం పూర్తిగా సిద్ధంగా ఉందని అధికారులు స్పష్టం చేశారు.