గండక్ నదిపై GLOF ముప్పు: బీహార్, యూపీలో NDRF బృందాలు మోహరింపు

టిబెట్-నేపాల్ సరిహద్దులో సంభవించిన గ్లేసియల్ లేక్ అవుట్‌బర్స్ట్ ఫ్లడ్ (GLOF) కారణంగా గండక్ నదికి వరద ముప్పు ఉందని NDRF కమాండెంట్ హెచ్చరించారు. నేపాల్‌లో దిగువ ప్రాంతాలకు ఈ ప్రవాహం చేరిన తర్వాత గండక్ ద్వారా భారత్‌లోకి వచ్చే అవకాశం ఉందని ఆయన తెలిపారు. ఈ నేపథ్యంలో బీహార్‌లోని పశ్చిమ చంపారణ్, ముజఫర్‌పూర్ జిల్లాల్లో రెండు NDRF బృందాలను మోహరించినట్లు కమాండెంట్ వివరించారు. ఉత్తరప్రదేశ్‌లో కుశీనగర్ ప్రాంతం గండక్ నది పరీవాహకంలో ఉండటంతో అక్కడ కూడా బృందాలను ఏర్పాటు చేశారు. యూపీలో ఇప్పటికే వరద నీటి సహాయక చర్యల కోసం 9 నుంచి 11 NDRF బృందాలు అందుబాటులో ఉన్నాయని ఆయన చెప్పారు. కేంద్ర హోం మంత్రిత్వ శాఖ (MHA) పరిస్థితిని నిశితంగా పర్యవేక్షిస్తోందని, రాష్ట్ర ప్రభుత్వాలు స్థానిక పరిస్థితులను అంచనా వేశాయని NDRF అధికారి తెలిపారు. బీహార్ ముఖ్యమంత్రి ఇటీవల పరిస్థితిని సమీక్షించారు. సెంట్రల్ వాటర్ కమిషన్ కూడా గండక్ నది జలాలపై నిఘా ఉంచింది. ఉదయం నాటికే సెంట్రల్ వాటర్ కమిషన్ రాష్ట్ర ప్రభుత్వాలకు వరద అవకాశంపై హెచ్చరిక జారీ చేసింది. వరద ప్రవాహం గండక్ నది ద్వారా దిగువ ప్రాంతాలకు రావొచ్చని, అందువల్ల అప్రమత్తంగా ఉండాలని సూచించింది. MHA, రాష్ట్ర ప్రభుత్వాలు, సెంట్రల్ వాటర్ కమిషన్ కలిసి పరిస్థితిని ఎప్పటికప్పుడు పర్యవేక్షిస్తున్నాయి.