ఏపీ మున్సిపల్ ఎన్నికల పోలింగ్ రేపు: 13 కార్పొరేషన్లు, 77 మున్సిపాలిటీల్లో ఓటింగ్

ఆంధ్రప్రదేశ్‌లో మున్సిపల్ ఎన్నికల పోలింగ్ రేపు జరగనుంది. 13 కార్పొరేషన్లు, 77 మున్సిపాలిటీలు, 10 నగరపాలక సంస్థలకు ఎన్నికల నోటిఫికేషన్ విడుదలైంది.

17 మున్సిపల్ చైర్‌పర్సన్ స్థానాలు ఏకగ్రీవమయ్యాయి. ఎనిమిది పట్టణాల్లో చైర్మన్‌తో పాటు కౌన్సిలర్లు కూడా ఏకగ్రీవమయ్యారు. ఆ పట్టణాల్లో పోలింగ్ నిర్వహించాల్సిన అవసరం లేదు.

13 కార్పొరేషన్లలో మేయర్ స్థానాలకు 153 మంది పోటీలో ఉన్నారు. ఆ కార్పొరేషన్లలోని 922 డివిజన్లలో 118 ఏకగ్రీవమయ్యాయి. మిగిలిన 804 డివిజన్లలో 3073 మంది బరిలో నిలిచారు.

ఎన్నిక జరిగే 70 చైర్‌పర్సన్ స్థానాలకు 367 మంది పోటీ పడుతున్నారు. మున్సిపాలిటీల వార్డుల్లో 637 ఏకగ్రీవమయ్యాయి. మిగిలిన 2382 వార్డులకు 6669 మంది అభ్యర్థులు పోటీలో ఉన్నారు.

పోలింగ్ కేంద్రాలకు సిబ్బంది ఎన్నికల సామగ్రితో చేరుకుంటున్నారు. ఏర్పాట్లు కొనసాగుతున్నాయి. ఈ స్థానాల్లో గెలుపు ఎవరిదో నవంబర్ 3న తేలుతుంది.