ఏపీలో 23 పట్టణ స్థానిక సంస్థల ఎన్నికలకు నోటిఫికేషన్, నవంబర్ 26న పోలింగ్

ఆంధ్రప్రదేశ్‌లో పెండింగ్‌లో ఉన్న 23 పట్టణ స్థానిక సంస్థల ఎన్నికలకు రాష్ట్ర ఎన్నికల సంఘం నోటిఫికేషన్ విడుదల చేసింది. ఇవి రెండో దశ ఎన్నికలు. నవంబర్ 26న పోలింగ్ జరుగుతుంది.

ఈ ఎన్నికలు 4 కార్పొరేషన్లు, 19 మునిసిపాలిటీలు, నగర పంచాయతీలతో కలిపి మొత్తం 23 పట్టణ సంస్థల్లో జరుగుతాయి. ఓట్ల లెక్కింపు నవంబర్ 30న ఉంది.

నోటిఫికేషన్ ప్రకారం నవంబర్ 14 నుంచి నామినేషన్ల స్వీకరణ మొదలవుతుంది. నామినేషన్లు స్వీకరించడానికి చివరి తేదీ నవంబర్ 16. నవంబర్ 17న నామినేషన్ల పరిశీలన జరుగుతుంది.

అభ్యర్థులు నవంబర్ 19 వరకు నామినేషన్లను ఉపసంహరించుకోవచ్చు. అదే రోజు పోటీలో ఉన్న అభ్యర్థుల తుది జాబితా విడుదల అవుతుంది. చట్టం ప్రకారం నామినేషన్ల పరిశీలనపై అప్పీల్ అవకాశం లేదని ఎన్నికల సంఘం తెలిపింది.

అవసరమైతే నవంబర్ 27న రీపోల్ నిర్వహిస్తారు. ఓట్ల లెక్కింపు, ఫలితాల ప్రకటన నవంబర్ 30న జరుగుతుంది.