అరుణాచలం మోక్ష మార్గంలో కొత్త నిబంధనలు; ఇనుప గ్రిల్, సమయ నియంత్రణ

ఇటీవల అరుణాచలం ఆలయంలో మోక్ష మార్గం అనే సన్నటి గుహ మార్గంలో వెళ్తున్న ఆంధ్రప్రదేశ్ భక్తుడు ప్రాణాలు కోల్పోయాడు. మరొక మహిళ కూడా ఇబ్బంది పడి తృటిలో ప్రాణాలతో బయటపడింది.

ఈ ఘటనల తర్వాత ఆలయ అధికారులు కొత్త నిబంధనలు అమలు చేశారు. మోక్ష మార్గం ప్రవేశం వద్ద అదే సైజు ఇనుప గ్రిల్ ఏర్పాటు చేశారు. ఈ గ్రిల్ నుంచి దాటగలిగిన వారికే లోపలికి అనుమతి. గతంలో ఎవరినైనా అనుమతించేవారు.

ఇకపై మోక్ష మార్గం ఉదయం 6 నుంచి రాత్రి 8 వరకు మాత్రమే తెరిచి ఉంటుంది. 24 గంటల అనుమతి రద్దు చేశారు. ఆరోగ్య సమస్యలు, ఊబకాయం, వృద్ధులకు ప్రవేశం లేదని అధికారులు స్పష్టం చేశారు. బలవంతంగా ప్రయత్నించవద్దని హెచ్చరించారు.