కామన్వెల్త్ గేమ్స్: మహిళల 70 కేజీల బాక్సింగ్ ఫైనల్లోకి అరుంధతి చౌదరి

కామన్వెల్త్ గేమ్స్ 2026లో భారత మహిళా బాక్సర్ అరుంధతి చౌదరి 70 కేజీల విభాగంలో ఫైనల్కు చేరుకుని, కనీసం రజత పతకం ఖాయం చేసుకుంది. సెమీఫైనల్లో బలమైన ప్రత్యర్థిని ఓడించిన ఆమె శుక్రవారం స్వర్ణం కోసం బరిలోకి దిగనుంది. విజయం తర్వాత అరుంధతి మాట్లాడుతూ, ‘నేను రజతం కోసం రాలేదు, స్వర్ణమే లక్ష్యంగా వచ్చాను. రేపు తప్పకుండా స్వర్ణం తీసుకెళ్తాను’ అని ధీమా వ్యక్తం చేసింది. ప్రత్యర్థి ఎక్కువగా పుష్ చేస్తూ, థ్రో చేస్తూ ఇబ్బంది పెట్టిందని, కానీ ఆ వ్యూహాన్ని హ్యాండిల్ చేయడం కొంచెం కష్టమైనా ఎంజాయ్ చేశానని చెప్పింది. ‘ప్రత్యర్థి టెక్నికల్గా ఆడితే ప్రాపర్ బాక్సింగ్ చూడొచ్చు, కానీ ఆమె రష్ చేసింది. అయినా మ్యాచ్ చాలా బాగుంది, ఆమె చాలా మంచి బాక్సర్’ అని అరుంధతి ప్రత్యర్థిని ప్రశంసించింది. భారత ప్రేక్షకుల మద్దతు తన విజయంలో కీలకమని, ‘జనాలు నినాదాలు చేస్తూ ఉంటే నా జోష్ రెట్టింపైంది. ఇండియా క్రౌడ్ సపోర్ట్ వల్లే మేం రింగ్లో గెలుస్తున్నాం’ అని పేర్కొంది. ఈ విజయాన్ని భారత సైన్యానికి, తన చిన్న తమ్ముడికి అంకితమిస్తున్నట్లు తెలిపింది. రేపటి ఫైనల్లో జాతీయ గీతం వినిపించడమే తన ధ్యేయమని అరుంధతి స్పష్టం చేసింది.