ఈ20 పెట్రోల్‌కు వ్యతిరేకంగా నేడు ప్రధాని మోదీ నివాసానికి అరవింద్ కేజరివాల్ మార్చ్

ఢిల్లీ మాజీ సీఎం, ఆప్ కన్వీనర్ అరవింద్ కేజరివాల్ E20 పెట్రోల్ వ్యతిరేకంగా నేడు ప్రధాని మోదీ నివాసానికి మార్చ్ నిర్వహించనున్నారు. ఈ సందర్భంగా 2 లక్షల మంది సంతకాలతో కూడిన పిటిషన్‌ను ప్రధానికి అందజేయనున్నారు.

E20 పెట్రోల్ వ్యతిరేకంగా ఇప్పటికే ఆన్‌లైన్‌లో పిటిషన్ దాఖలు చేయగా, దీనికి 2 లక్షల మందికి పైగా మద్దతు తెలిపారు. ఈ సంతకాల వివరాలను, సంబంధిత డాక్యుమెంట్లను తీసుకెళ్లి ప్రధాని మోదీని కలవనున్నారు. E20 పెట్రోల్ విషయంలో ప్రభుత్వం మూడు డిమాండ్లకు అంగీకరించాలని కేజరివాల్ కోరుతున్నారు.

ప్రస్తుతం వాహనదారులు బలవంతంగా E20 పెట్రోల్ వాడుతున్నారని, అయితే దాని వల్ల తమకు ఎలాంటి ప్రయోజనం లేదని కేజరివాల్ ఆరోపించారు. ఇథనాల్ మిశ్రమం ఎక్కువైన ఈ పెట్రోల్ వాడకంతో వాహనదారులు ఇబ్బందులు పడుతున్నారని ప్రశ్నించారు.

మార్చ్ ద్వారా ప్రభుత్వం దృష్టిని ఆకర్షించడంతో పాటు, ఈ సమస్యపై త్వరగా నిర్ణయం తీసుకోవాలని కేజరివాల్ విజ్ఞప్తి చేశారు. ఈ విషయంపై ప్రస్తుతం కేంద్ర ప్రభుత్వం నుంచి ఎలాంటి స్పందన లేదు.