E20 పెట్రోల్‌పై కేజ్రీవాల్ ప్రధాని నివాసానికి మార్చ్: పోలీసులు అడ్డుకోవడంతో రోడ్డుపై నిరసన

ఢిల్లీలో ఆమ్ ఆద్మీ పార్టీ (AAP) అధినేత, మాజీ ముఖ్యమంత్రి అరవింద్ కేజ్రీవాల్, E20 పెట్రోల్పై ప్రధాని నరేంద్ర మోదీకి వినతిపత్రం అందించేందుకు బుధవారం బయలుదేరారు. కేజ్రీవాల్తో పాటు మనీష్ సిసోడియా, సంజయ్ సింగ్, సౌరభ్ భరద్వాజ్ సహా సుమారు 100 మంది కార్యకర్తలు ఈ మార్చ్లో పాల్గొన్నారు.

ఫిరోజ్ షా రోడ్ నుండి ప్రధాని నివాసానికి వెళ్తుండగా, అనుమతి లేదని చెప్పి ఢిల్లీ పోలీసులు వారిని అడ్డుకున్నారు. దీంతో కేజ్రీవాల్, ఇతర నేతలు రోడ్డుపైనే కూర్చొని నిరసన తెలిపారు.

ఈ సందర్భంగా కేజ్రీవాల్ మాట్లాడుతూ, E20 పెట్రోల్ వల్ల వాహనాలు పాడవుతున్నాయని, మైలేజ్ తగ్గుతోందని ఆరోపించారు. లక్షలాది వాహనదారులు ఇబ్బందులు పడుతున్నారని, 2.33 లక్షల పిటిషన్లపై సంతకాలు సేకరించామని తెలిపారు. పెట్రోల్ ధరను లీటరుకు ₹84 కు తగ్గించాలని డిమాండ్ చేశారు.

కేంద్ర ప్రభుత్వం ఇప్పటికే E20 పెట్రోల్పై స్పష్టత ఇచ్చినప్పటికీ, విపక్షాల నిరసనలు కొనసాగుతున్నాయి. ఇటీవల రాహుల్ గాంధీ కూడా ఇదే విధంగా ప్రధాని నివాసం వద్ద నిరసన చేపట్టడంతో సెంట్రల్ ఢిల్లీలో భద్రతా ఆంక్షలు మరింత కఠినంగా ఉన్నాయి. పోలీసులు ర్యాపిడ్ యాక్షన్ ఫోర్స్, టియర్ గ్యాస్ వాహనాలు మోహరించారు.