ఆషాడ మూడో ఆదివారం: ఏడుపాయల వనదుర్గమ్మకు ఫలాంబరి అలంకరణ

ఆషాడ మాసం మూడో ఆదివారం సందర్భంగా తెలంగాణలోని ప్రసిద్ధ పుణ్యక్షేత్రం ఏడుపాయల వనదుర్గా భవాని అమ్మవారిని వివిధ రకాల ఫలాలతో ఫలాంబరి దేవిగా విశేష అలంకరణ చేశారు.

తెల్లవారుజామున మంజీరా నది జలాలు, పంచామృతాలతో అమ్మవారికి అభిషేకం నిర్వహించారు. అనంతరం సహస్రనామార్చన, కుంకుమార్చన పూజలు నిర్వహించి భక్తులకు దర్శనం కల్పించారు. భక్తులు మంజీరా నదిలో స్నానం ఆచరించి, అమ్మవారిని దర్శించుకొని మొక్కుబడులు చెల్లించుకుంటున్నారు.

ఆలయ వీసీ తెలిపిన వివరాల ప్రకారం, ఫలాంబరి దేవి రూపంలో దర్శనం ఇచ్చే అమ్మవారిని చూడటం వల్ల భక్తుల కోరికలు నెరవేరుతాయని విశ్వాసం. భక్తుల సౌకర్యార్థం అన్ని ఏర్పాట్లు చేసినట్లు ఆలయ అధికారులు తెలిపారు.