ఆసిఫాబాద్‌లో ప్యాసింజర్ ఆటోలో మంటలు.. ప్రయాణికులంతా సురక్షితం

కొమరం భీం జిల్లా ఆసిఫాబాద్ మండలం బూరుగూడ గ్రామంలో ప్యాసింజర్ ఆటోలో మంటలు చెలరేగాయి. జాతీయ రహదారిపై ప్రయాణికులతో వెళ్తున్న ఆటోలో ఒక్కసారిగా మంటలు రాజుకున్నాయి.

క్షణాల్లోనే మంటలు వాహనం నలుమూలలకు వ్యాపించాయి. దీంతో ఆటో పూర్తిగా కాలి బూడిదైంది.

ప్రమాదాన్ని ముందే గమనించిన డ్రైవర్ ప్రయాణికులను హెచ్చరించారు. ప్రయాణికులంతా వెంటనే అప్రమత్తమై ఆటో నుంచి కిందకు దిగారు. దీంతో పెద్ద ప్రమాదం తప్పింది.

ఈ ఘటనలో ఎలాంటి ప్రాణనష్టం జరగలేదు. అందరూ ఊపిరి పీల్చుకున్నారు.