అయోధ్య రామాలయంలో విరాళాల లెక్కింపుపై కఠిన నిఘా: కొత్త భద్రత నిబంధనలు అమల్లోకి

అయోధ్య శ్రీరామ జన్మభూమి తీర్థ క్షేత్ర ట్రస్ట్ విరాళాల లెక్కింపు ప్రక్రియలో కఠిన నిఘా విధించే నిర్ణయం తీసుకుంది. ఈ నెల 25 నుంచి కొత్త భద్రత నిబంధనలు అమల్లోకి వచ్చాయని ట్రస్ట్ తెలిపింది.

లెక్కింపు గది నుండి విరాళాల సేకరణ, సీలింగ్, రవాణా వరకు మొత్తం ప్రక్రియను 360 డిగ్రీల కెమెరాలతో రికార్డ్ చేయనున్నారు. ఇందుకోసం ఇద్దరు ప్రొఫెషనల్ వీడియోగ్రాఫర్లను నియమించనున్నారు. బ్యాంక్ ఉద్యోగులు, ట్రస్ట్ ప్రతినిధులు, ప్రైవేట్ సెక్యూరిటీతో 8 మంది సభ్యుల మానిటరింగ్ టీం ఏర్పాటు చేశారు.

అయోధ్య ఆలయంలో 40 విరాళాల పెట్టెలను ఒకేసారి కాకుండా రోజువారీగా ఖాళీ చేస్తున్నారు. లెక్కింపు గదికి చేరిన తర్వాత స్టేట్ బ్యాంక్ ఆఫ్ ఇండియా అధికారులు సీల్ వేస్తారు. హుండీల నిర్వహణలో ఈ నిబంధనలు తప్పనిసరి చేసింది.

విరాళాల నిధుల దుర్వినియోగం ఆరోపణలు, సిట్ విచారణ కొనసాగుతున్న నేపథ్యంలో ఈ చర్యలు చేపట్టారు. ట్రస్ట్ ప్రధాన కార్యదర్శి చంపత్ రాయ్ రాజీనామా చేశారు. తాజా సమావేశంలో కొత్త ప్రధాన కార్యదర్శిని నియమించడంతో పాటు, ఇతర నిర్ణయాలు తీసుకున్నారు. హైకోర్టు కూడా ఈ కేసును తీవ్రంగా పరిగణించి విచారించాలని ఆదేశించింది.