ఆగస్టు 11న బలూచిస్తాన్ స్వాతంత్ర్య దినోత్సవం జరుపుకోవాలని బలూచ్ నేత పిలుపు

బలూచ్ జాతీయవాద నాయకుడు మీర్యార్ బలచ్ ఆగస్టు 11న బలూచిస్తాన్ స్వాతంత్ర్య దినోత్సవం జరుపుకోవాలని ప్రజలకు పిలుపునిచ్చారు.

1947 ఆగస్టు 11న బ్రిటిష్ ఇండియా విభజన సమయంలో బలూచిస్తాన్ తనను తాను స్వతంత్ర దేశంగా ప్రకటించుకున్నట్లు ఆయన గుర్తు చేశారు. కానీ 1948 మార్చిలో పాకిస్తాన్ సైన్యం బలవంతంగా ఆ ప్రాంతాన్ని ఆక్రమించి, విలీనం చేసుకుందని చెప్పారు.

ఈ చారిత్రక విషయాన్ని భవిష్యత్ తరాలకు తెలియజేయాలని, స్వతంత్ర గుర్తింపు నిలబెట్టడానికి ప్రతి ఇల్లు, వీధి, విద్యా సంస్థల్లో బలూచ్ జెండా ఎగరవేయాలని కోరారు.

పాకిస్తాన్ ప్రభుత్వం, సైన్యం గత కొన్ని దశాబ్దాలుగా బలూచిస్తాన్లో సైనిక చర్యలు, ఆర్థిక దోపిడీ, అణచివేత కొనసాగిస్తున్నాయని బలచ్ నేతలు ఆరోపించారు. దీనివల్ల ఆ ప్రాంతంలో శాంతి, అభివృద్ధి దెబ్బతింటున్నాయని వారు పేర్కొంటున్నారు. ఈ విషయంపై పాకిస్తాన్ ప్రభుత్వం స్పందించలేదు.