బండారులంక సర్పంచ్ ఏకగ్రీవమైతే రూ.1.5 కోట్లు ఇస్తానని ప్రకటన

అంబేద్కర్ కోనసీమ జిల్లా అమలాపురం రూరల్ మండలం బండారులంక పంచాయతీ సర్పంచ్ పదవికి ఏకగ్రీవ ఎన్నిక జరిగితే గ్రామాభివృద్ధికి రూ.1.5 కోట్లు ఖర్చు చేస్తానని దొమ్మేటి రమేష్ ప్రకటించారు.

గ్రామంలో దశాబ్దాలుగా ఉన్న డంపింగ్ యార్డ్, డ్రైనేజీ సమస్యలను తాను పరిష్కరిస్తానని ఆయన తెలిపారు. ఈ మొత్తాన్ని గ్రామాభివృద్ధి పనులకే వినియోగిస్తామని చెప్పారు.

ఏకగ్రీవ పంచాయతీలకు ప్రభుత్వం ఇప్పటికే రూ.15 లక్షల నుంచి రూ.50 లక్షల వరకు ప్రోత్సాహకం ప్రకటించింది. దానికి తోడు తాను కూడా సొంతంగా ఖర్చు చేస్తానని రమేష్ పేర్కొన్నారు. ఏకగ్రీవం జరిగితే కోటి రూపాయలు ఇస్తానని కూడా ఆయన ఒక ప్రకటనలో చెప్పారు.

సర్పంచ్ అవకాశం తన తల్లి దొమ్మేటి జాదీశ్వరికి ఇవ్వాలని రమేష్ కోరారు. పవన్ కళ్యాణ్, మోడీ, చంద్రబాబు నాయుడు ఆశయాల మేరకు గ్రామాన్ని అభివృద్ధి చేస్తానని ఆయన అన్నారు.