భద్రాచలం రామాలయంలో రూ.200 కోట్ల అభివృద్ధి పనులు, కొత్త రహదారి ప్రతిపాదన

భద్రాచలంలోని శ్రీ సీతారామచంద్రస్వామి ఆలయంలో రూ.200 కోట్ల 89 లక్షలతో అభివృద్ధి పనులు కొనసాగుతున్నాయి. గోదావరి కట్ట నుంచి ఆలయం వరకు విశాలమైన కొత్త రహదారి నిర్మాణానికి ప్రణాళిక సిద్ధమవుతోంది.

ఆలయం పడమటి వైపు ఉన్న కొన్ని ఇళ్లను సేకరించాలని అధికారులు భావిస్తున్నారు. వీటి యజమానులకు నష్టపరిహారం, పునరావాసం కల్పిస్తామని రెవెన్యూ అధికారులు చెప్పారు. రహదారి విస్తరణకు అదనపు నిధులు కూడా అవసరం అవుతాయి.

శ్రీ యోగానంద లక్ష్మీ నరసింహ స్వామి ఆలయం ముందు ఉన్న 20 అడుగుల వెడల్పు రోడ్డును 40 అడుగులకు పెంచాలని ప్రతిపాదన ఉంది. వచ్చే పుష్కరాల నాటికి ఈ మార్గం సిద్ధం చేస్తే భక్తులకు సౌకర్యంగా ఉంటుంది. తూర్పు వైపున మెట్లు కూడా ఏర్పాటు చేస్తారు.

ఆలయ విస్తా కాంప్లెక్స్‌లోని 20కి పైగా దుకాణాలను తొలగించి ఆధ్యాత్మిక దుకాణాలు నిర్మించనున్నారు. సమీపంలోని చిన్న దారిని కూడా వెడల్పు చేస్తారు. ప్రతిపాదనలు త్వరగా అమలు చేయాలని భక్తులు కోరుతున్నారు.