టెక్ మహీంద్రలో పిల్ల ఆరోగ్యం కోసం సెలవు పెట్టిన ఉద్యోగిని భావన నిరసన

టెక్ మహీంద్ర కంపెనీలో సాఫ్ట్‌వేర్ ఇంజనీర్‌గా పనిచేస్తున్న భావన అనే యువతి తన ఉద్యోగం నుంచి అన్యాయంగా తొలగించారని నిరసన తెలిపింది. ఆమె తన చిన్నారి ఆరోగ్యం బాగోలేదని మూడు రోజుల సెలవు పెట్టి తిరిగి వచ్చిన తర్వాత, కంపెనీ ఎటువంటి కారణం చెప్పకుండా తనను టర్మినేట్ చేసిందని ఆరోపించింది.

ఈ ఘటనపై ఆమె పోలీసులకు ఫిర్యాదు చేశారు. ధర్నాలో పాల్గొంటూ, మహిళా ఉద్యోగులకు కంపెనీలో ఎదురయ్యే ఇబ్బందులను ప్రస్తావించారు. వాష్రూమ్‌కు వెళ్లే విషయంలో కూడా అనుమతి తీసుకోవాలని, మేనేజర్లు వేధింపులకు గురిచేస్తున్నారని ఆమె ఆవేదన వ్యక్తం చేశారు.

సీనియర్ ఐపీఎస్ అధికారి రెడ్డన్న ఈ ఘటనపై విశ్లేషణ చేశారు. ఐటీ రంగంలో ప్రాజెక్టుల ఒత్తిళ్ల కారణంగా కొంతమంది టీమ్ మేనేజర్లు కక్షపూరితంగా వ్యవహరించే సందర్భాలు ఉన్నాయని, అయితే ప్రతి ఉద్యోగి పనితీరు సీసీటీవీ, వర్క్‌షీట్ల ద్వారా నమోదు అవుతుందన్నారు. ఉద్యోగి నిర్దిష్ట కారణం లేకుండా సెలవు పొడిగించడం, విధుల్లో లోపాల వల్లనూ టర్మినేట్ చేసే అవకాశం ఉన్నప్పటికీ, ఈ కేసులో విచారణ చేస్తే నిజాలు బయటకు వస్తాయని తెలిపారు.

ఈ విషయంపై ఇంకా టెక్ మహీంద్ర నుంచి ఎటువంటి అధికారిక స్పందన రాలేదు. పోలీసులు ఫిర్యాదు స్వీకరించి దర్యాప్తు ప్రారంభించినట్లు సమాచారం.