భీమవరం శ్రీ మావుళ్ళమ్మ ఆలయంలో ఆషాఢ మాస సారె సమర్పణ కార్యక్రమం

పశ్చిమ గోదావరి జిల్లా భీమవరంలోని శ్రీ మావుళ్ళమ్మ అమ్మవారి ఆలయంలో ఆషాఢ మాసం సందర్భంగా సారె సమర్పణ కార్యక్రమం జరిగింది. ఈ ఆచారం ప్రతి సంవత్సరం నిర్వహిస్తారు.

ఈ ఏడాది సారె సమర్పణలో సుమారు వెయ్యి మంది మహిళలు పాల్గొన్నారు. భీమవరం, చుట్టుపక్కల గ్రామాలతో పాటు వివిధ రాష్ట్రాల నుంచి కూడా భక్తులు హాజరయ్యారు.

అమ్మవారిని తమ ఇంటి ఆడబిడ్డగా భావించి, ప్రతి శుభకార్యానికి ముందు అమ్మవారి దగ్గర శుభలేఖ ఉంచడం ఇక్కడి సంప్రదాయం. ఆషాఢ మాసమంతా వివిధ వార్డుల నుంచి భక్తులు సారెలు సమర్పిస్తారు. ఈ కార్యక్రమంలో భాగంగా ఈ రోజు అఖండ సారె కార్యక్రమం జరిగింది.

కార్యక్రమ నిర్వాహకులుగా భీమవరానికి చెందిన శ్రీమతి మద్దాల విజయలక్ష్మి, గోట్లపాడు గ్రామానికి చెందిన శ్రీమతి దేవి ఆదిలక్ష్మి పాల్గొన్నారు. భక్తులు పూలు, పసుపు, కుంకుమ, పండ్లు, సాంప్రదాయ పిండి వంటలతో సారెలు సమర్పించి, తీర్థప్రసాదాలు పంచుకున్నారు.