బోరు ఎండిపోయింది, ట్యాంకర్ నీళ్లకే దిక్కు: రైతు సహాయం కోరుతూ విజ్ఞప్తి

రాయచేడు గ్రామానికి చెందిన గూడు తిరుపతయ్య రెండు ఎకరాల్లో సాగు చేస్తున్నారు. పది రోజుల క్రితం ఆయన బోరు ఎండిపోయింది. అప్పటి నుంచి ట్యాంకర్లతో నీళ్లు తెచ్చి పంటకు కొడుతున్నారు.

ఊరిలో బోర్లు లేవు, బావులు లేవు. కాల్వల ద్వారా నీళ్లు రావడం లేదని ఆయన చెప్పారు. దగ్గర్లో నీళ్లు దొరకడం లేదు. అందుకే పక్కన ఉన్న సందాపురి గ్రామానికి వెళ్లి ట్యాంకర్‌కు ₹500 చెల్లించి నీళ్లు కొంటున్నారు.

నీళ్లు కొట్టకపోతే రెండు ఎకరాల పంట ఎండిపోతుందని తిరుపతయ్య తెలిపారు. ట్యాంకర్ రూపంలోనైనా ప్రభుత్వం సహాయం చేస్తే బాగుంటుందని ఆయన ముఖ్యమంత్రిని కోరారు. ఈ అంశంపై అధికారుల స్పందన లభ్యం కాలేదు.