ఎన్టీఆర్-త్రివిక్రం God of War చిత్రంపై యూనిట్ క్లారిటీ, ఫోటో విడుదల

నటుడు ఎన్టీఆర్, దర్శకుడు త్రివిక్రం కాంబినేషన్‌లో రాబోతున్న చిత్రం విషయంలో సినిమా యూనిట్ క్లారిటీ ఇచ్చింది. ఈ చిత్రానికి God of War అనే ట్యాగ్ లైన్ ఉంది. హీరో ఎన్టీఆర్, డైరెక్టర్ త్రివిక్రం, నిర్మాతలు చిన్నబాబు, కళ్యాణ్‌రాం కలిసి దిగిన ఫోటోను మేకర్స్ షేర్ చేశారు.

కొన్ని రోజులుగా ఈ ప్రాజెక్ట్ పట్టాలు ఎక్కుతుందా, చేతులు మారిందా అని సోషల్ మీడియాలో రకరకాల ప్రచారాలు జరిగాయి. ఎన్టీఆర్ అభిమానులు కూడా ఈ వార్తలపై సందేహంలో పడ్డారు. ఇప్పుడు ఆ ఒక్క ఫోటోతో ప్రాజెక్ట్‌పై వస్తున్న పుకార్లకు ముగింపు పడింది.

కుమారస్వామి పురాణ గాధ ఆధారంగా ఈ పౌరాణిక చిత్రాన్ని త్రివిక్రం డిజైన్ చేస్తున్నారు. ఫ్యామిలీ, కమర్షియల్ చిత్రాలకు పేరుగాంచిన త్రివిక్రం తొలిసారి ఇలాంటి భారీ పౌరాణిక కథను తెరకెక్కిస్తున్నారు.

ప్రస్తుతం ఎన్టీఆర్ ప్రశాంత్ నీల్ దర్శకత్వంలో తెరకెక్కుతున్న డ్రాగన్ షూటింగ్‌లో బిజీగా ఉన్నారు. ఆ సినిమా షూటింగ్ పూర్తయ్యాక God of War సెట్స్ మీదకు వెళ్తుంది. ఇండియన్ సినిమా హిస్టరీలో ఇంతవరకు చూడని స్థాయిలో గ్లోబల్ రేంజ్ విజువల్స్‌తో ఈ చిత్రాన్ని ప్లాన్ చేస్తున్నట్టు యూనిట్ తెలిపింది. గతంలో అరవింద సమేత వీరరాఘవ చిత్రంతో ఈ కాంబినేషన్ పనిచేసింది.