శ్రీకాళహస్తి ఆలయంలో స్పై కెమెరా అద్దాలతో భక్తుడు అదుపులో

శ్రీకాళహస్తి ఆలయంలో స్పై కెమెరా ఉన్న కంటి అద్దాలతో ఓ భక్తుడు లోపలికి ప్రవేశించాడు. పూజారి గుర్తించడంతో SPF సిబ్బంది అతన్ని అదుపులోకి తీసుకున్నారు.

అతను పూణేకు చెందిన అంకేష్ అగర్వాల్. రాహు కేతు పూజ నిమిత్తం ఆలయానికి వచ్చాడు. పూజ అనంతరం అమ్మవారి గర్భాలయంలోకి వెళ్లాడు. ఆ సమయంలో కళ్లజోడులో వీడియో కెమెరా ఉన్నట్టు పూజారి గమనించారు.

అంతకుముందు స్వామి వారి ఆలయంలోనూ అతను రికార్డింగ్ చేసినట్టు సిబ్బంది గుర్తించారు. అతని ఫోన్, కళ్లజోడును స్వాధీనం చేసుకున్నారు.

భద్రతా సిబ్బంది ఈ అద్దాలను సాధారణ అద్దాలుగానే భావించారని విమర్శలు వస్తున్నాయి. పూజారి గుర్తించిన విషయాన్ని సెక్యూరిటీ సిబ్బంది ఎందుకు గుర్తించలేదని ప్రశ్నిస్తున్నారు.

గతంలోనూ ఇదే తరహాలో స్పై కెమెరా అద్దాలతో ఓ భక్తుడు ఆలయంలోకి వెళ్లిన ఘటన జరిగింది. ఈ ఘటనపై పోలీసులు దర్యాప్తు చేపట్టారు. అతను ఎక్కడి నుంచి వచ్చాడు, ఎందుకు రికార్డింగ్ చేశాడనే దానిపై విచారణ కొనసాగుతోంది.