BMW Vision CE డిజైన్‌కు భారత్‌లో పేటెంట్: సెల్ఫ్-బ్యాలెన్సింగ్ ఎలక్ట్రిక్ టూ-వీలర్

BMW తన కొత్త ఎలక్ట్రిక్ టూ-వీలర్ 'Vision CE' కోసం భారత్‌లో డిజైన్ పేటెంట్ ఫైల్ చేసింది. ఈ వాహనాన్ని చూస్తే అది బైకా, కారా అని అనిపిస్తుంది. కానీ ఇది రెండు చక్రాల వాహనం.

ఈ కాన్సెప్ట్‌లో 100% సెల్ఫ్-బ్యాలెన్సింగ్ టెక్నాలజీ ఉంది. వాహనం ఆగినప్పుడు కూడా తనంతట తానే నిటారుగా నిలబడుతుంది. ట్రాఫిక్ సిగ్నల్ దగ్గర కింద కాలు పెట్టాల్సిన అవసరం లేదు.

రైడర్ చుట్టూ ట్యూబుల స్టీల్ కేజ్ ఇచ్చారు. కారులో లాగా ఫోమ్ కుషనింగ్, ఫోర్ పాయింట్ సీట్ బెల్ట్ కూడా ఉన్నాయి. వెనక నుంచి వాహనం వచ్చి గుద్దే ప్రమాదాన్ని ముందుగానే గుర్తించే రాడార్ సిస్టమ్ ఇందులో ఉంది. హెల్మెట్ లేకుండా నగరంలో ప్రయాణించేలా ఈ కాన్సెప్ట్‌ను యూరప్ లాంటి దేశాల కోసం డిజైన్ చేసినట్టు తెలుస్తోంది.

పెర్ఫార్మెన్స్ విషయంలో BMW CE04 ప్లాట్‌ఫామ్‌ను ఇందులో ఉపయోగించే అవకాశం ఉంది. దీని ప్రకారం 8.5 kWh బ్యాటరీ, 130 కిమీ రేంజ్, 120 కిమీ టాప్ స్పీడ్ ఉండొచ్చు. సేఫ్టీ కేజ్ బరువు వల్ల రేంజ్ కొంచెం తగ్గొచ్చు. భారత్‌లో ప్రస్తుతం అమ్ముడవుతున్న BMW CE04 షోరూమ్ ధర ₹15,25,000. దీని ధర ఇంకా ఎక్కువ ఉండే అవకాశం ఉంది.

లాంచ్ తేదీని BMW ఇంకా ప్రకటించలేదు. ఇది భారత్‌లో అమ్మకానికి వస్తే మోటార్ వెహికల్ నిబంధనల ప్రకారం హెల్మెట్ నియమాలు ఎలా వర్తిస్తాయనేది స్పష్టంగా తెలియదు.