డెలివరీలో మృతి చెందిన గిగ్ వర్కర్ల కుటుంబాలకు ₹5 లక్షల చెక్కులు

డెలివరీ సేవలో ప్రాణాలు కోల్పోయిన ఇద్దరు గిగ్ వర్కర్ల కుటుంబాలకు తెలంగాణ ప్రభుత్వం తరపున ₹5 లక్షల చెక్కులు అందజేశారు. మృతి చెందిన వారు వల్లూరి సందీప్, అలుగోల శ్యాం. కుటుంబ సభ్యుల ప్రతినిధులు వచ్చి ఈ చెక్కులను స్వీకరించారు.

కాంగ్రెస్ నేత రాహుల్ గాంధీ, ముఖ్యమంత్రి రేవంత్ రెడ్డి ఈ చెక్కులను అందజేశారు. గిగ్ వర్కర్స్ సంస్థ తరపున షేక్ సలాహుద్దీన్ ఈ సందర్భంగా మాట్లాడారు.

ప్రజల వర్తమానం, భవిష్యత్తు గురించి ఆలోచించే ప్రభుత్వమే ప్రజాస్వామ్య ప్రభుత్వమని ఆయన అన్నారు. ఈ విషయంలో డాక్టర్ బి.ఆర్. అంబేద్కర్ ఎన్నో సందర్భాల్లో చెప్పారని ఆయన గుర్తు చేశారు.

ఈ ఆర్థిక సహాయం గిగ్ వర్కర్లకు ఆత్మవిశ్వాసాన్ని ఇస్తుందని ఆయన ఆశాభావం వ్యక్తం చేశారు. క్రమశిక్షణతో తమ బాధ్యతలను నిర్వర్తించేందుకు ఇది ఉపయోగపడుతుందని ఆయన అన్నారు.