మైనర్ బాలికపై అత్యాచారం: బీఎస్ఎన్ఎల్ అధికారికి 10 ఏళ్ల జైలు

2015లో మైనర్ బాలికపై అత్యాచారం చేసిన బీఎస్ఎన్ఎల్ అధికారికి మేడ్చల్ POCSO కోర్టు 10 సంవత్సరాల జైలు శిక్ష విధించింది.

2015 మే 13న మేడ్చల్ పోలీస్ స్టేషన్ పరిధిలో ఈ ఘటన జరిగింది. నిందితుడు తన బంధువుల ఇంటికి వచ్చినప్పుడు, ఎదురింట్లో ఉన్న బాలికను నీళ్లు కావాలని అడిగి ఇంట్లోకి ప్రవేశించాడు. అక్కడ బాలిక చేతులు కట్టేసి అత్యాచారానికి పాల్పడ్డాడు.

బాధిత చిన్నారి కుటుంబ సభ్యులతో కలిసి మేడ్చల్ పోలీస్‌లకు ఫిర్యాదు చేయడంతో, పోలీసులు కేసు నమోదు చేసి నిందితుడిని అరెస్ట్ చేశారు. POCSO కోర్టు విచారణ తర్వాత నిందితుడిపై అభియోగం రుజువైంది. న్యాయమూర్తి ₹10,000 జరిమానాతో పాటు బాధితురాలికి ₹1 లక్ష పరిహారం చెల్లించాలని ఆదేశించారు.