క్యాన్సర్ ఔషధాల ధరల్లో మార్పు లేదు; NPPA 543 బ్రాండ్ల జాబితా విడుదల

క్యాన్సర్ చికిత్సకు వాడే కీలక ఔషధాల ధరలు తగ్గలేదు. National Pharmaceutical Pricing Authority (NPPA) 543 బ్రాండ్లకు కొత్త ధరలను విడుదల చేసింది. సుప్రీంకోర్టు ఆదేశాల నేపథ్యంలోనూ ఈ మందుల ధరల్లో మార్పు రాలేదు. దీంతో క్యాన్సర్ రోగులకు మరోసారి నిరాశ ఎదురైంది.

NPPA ప్రకటించిన ధరల ప్రకారం కొన్ని మందుల ధరలు మాత్రమే తగ్గాయి. లంగ్ క్యాన్సర్ ఔషధం Alecensa ధర ₹4,30,000గానే ఉంది. ఇమ్యునోథెరపీ ఔషధం Keytruda ధర సుమారు ₹2,16,000గా కొనసాగుతోంది. బ్రెస్ట్ క్యాన్సర్ ఔషధం Phesgo కంబైన్డ్ డోస్ ధర ₹4,93,000గా ఉంది.

కీమోథెరపీ, ఇమ్యునోథెరపీ ఔషధాల ధరలు యథాతథంగా ఉంటాయని NPPA తెలిపింది. దీంతో రోగులపై ఆర్థిక భారం కొనసాగుతోంది. ఈ నిర్ణయంపై రోగులు అసంతృప్తి వ్యక్తం చేస్తున్నారు. డ్రగ్ కంపెనీలు సుప్రీంకోర్టు ఆదేశాలను పాటించలేదని ఆరోపిస్తున్నారు.

వ్యాపార మార్జిన్లను పరిమితం చేయడం మాత్రమే సరిపోదని నిపుణులు అంటున్నారు. 37 కీలక పేటెంట్ క్యాన్సర్ ఔషధాల ధరల్లో ఎలాంటి మార్పు లేదని వారు చెబుతున్నారు. compulsory licensing అమలు చేయాలని డిమాండ్ చేస్తున్నారు.