నీట్ లీక్: ప్రింటింగ్ ప్రెస్‌ నుంచి కాదు.. NTA లోపలి నిపుణులే ప్రశ్నలు డిక్టేట్ చేశారు – CBI

కేంద్ర దర్యాప్తు సంస్థ (CBI) చార్జ్‌షీట్‌లో కీలక వివరాలు బయటపడ్డాయి. నీట్ ప్రశ్నాపత్రం లీక్ ఏ ముద్రణాలయం నుంచో కాకుండా నేషనల్ టెస్టింగ్ ఏజెన్సీ (NTA) లోపలి నుంచే జరిగిందని స్పష్టం చేసింది. హిందీ, ఇతర భాషల్లో ప్రశ్న పత్రం అనువాదం, తిరిగి అనువాదం, ప్రూఫ్ రీడింగ్ చేసేందుకు NTA కాంట్రాక్ట్‌పై నియమించిన ముగ్గురు సబ్జెక్ట్ నిపుణులే ఈ లీక్‌కు కారణమని CBI తేల్చింది.

1960 ప్రశ్నలతో కూడిన నీట్ పత్రాన్ని నిందితులు ప్రింటెడ్ బుక్‌లెట్ల రూపంలో కాకుండా, నోటి ద్వారా చెప్పి విద్యార్థుల చేత నోట్‌బుక్‌లలో రాయించుకున్నారు. భౌతిక శాస్త్రం, రసాయన శాస్త్రం, జీవ శాస్త్రం ప్రశ్నలను వేర్వేరు నిపుణులు తమ ఇళ్లలో విద్యార్థులకు డిక్టేట్ చేశారు. మనీషా హవల్దార్ అనే నిపుణుడు ఫిజిక్స్ ప్రశ్నలను తేజస్‌ హర్షద్‌ కుమార్ అనే లెక్చరర్‌కు చేరవేశారు. తేజస్‌ ఆ నోట్స్‌ ఫొటోలు తీసి లాతూర్‌లోని రేణుకాయి కెరీర్ సెంటర్ డైరెక్టర్ ప్రొఫెసర్ శివరాజ్‌ మిగ్రార్‌కు పంపారు. హవల్దార్ భర్త మొబైల్ నంబర్‌కు తేజస్‌ డబ్బు పంపినట్లు CBI డిజిటల్ చెల్లింపు రికార్డులు సేకరించింది.

విద్యార్థుల నుంచి ఒక్కొక్కరికి ₹ 10–15 లక్షలు వసూలు చేశారని, ఈ మొత్తాలు నిందితుల ఖాతాలకు వచ్చిన దాఖలాలు సేకరించామని CBI పేర్కొంది. సీకర్‌లోని వాటికా కుటుంబానికి కూడా ప్రశ్నపత్రం చేరిందని దర్యాప్తులో తేలింది. సాధారణంగా ప్రింటింగ్ ప్రెస్‌ స్థాయిలో జరిగే లీక్‌ ఇప్పుడు NTA అంతర్గతంగా చోటు చేసుకుంది. ఏప్రిల్ 2026లో జరిగిన ఈ లీక్‌తో పూర్తి ప్రశ్నాపత్రం బయటకు చేరింది.

CBI రూపొందించిన చార్జ్‌షీట్‌ను రౌస్ అవెన్యూ కోర్టు ఆగస్టు 10న స్వీకరించనుంది. కోర్టు విచారణ అనంతరం తదుపరి దర్యాప్తు, చర్యలపై స్పష్టత రానుంది. భవిష్యత్తులో NTA భద్రతా వ్యవస్థలో మార్పులు తేవాల్సిన అవసరం ఈ కేసు స్పష్టం చేసింది.