పార్లమెంట్‌లో FCRA, సుప్రీంకోర్టు న్యాయమూర్తుల సవరణ బిల్లులు ప్రవేశం

రెండు రోజుల విరామం తర్వాత పార్లమెంట్ సమావేశాలు నేడు తిరిగి ప్రారంభమవుతున్నాయి. ఈ సమావేశాల్లో కేంద్రం రెండు కీలక బిల్లులు ప్రవేశపెట్టబోతోంది.

మొదటి బిల్లు విదేశీ విరాళాల నియంత్రణ (సవరణ) బిల్లు 2026. విదేశాల నుంచి వచ్చే నిధులను ఎన్జీఓలు, స్వచ్ఛంద సంస్థలు దుర్వినియోగం చేయకుండా ఈ చట్టాన్ని కఠినతరం చేస్తున్నారు. ఎఫ్సీఆర్ఏ సర్టిఫికెట్ రద్దయిన సంస్థల విదేశీ నిధులు, ఆ నిధులతో కొన్న ఆస్తులు ప్రభుత్వం నియమించిన డెసిగ్నేటెడ్ అథారిటీ పరిధిలోకి వస్తాయి. దేశ భద్రత ప్రయోజనాలను దృష్టిలో ఉంచుకుని ఈ సవరణ చేశారని కేంద్రం తెలిపింది.

రెండో బిల్లు సుప్రీంకోర్టు న్యాయమూర్తుల సంఖ్య పెంచే సవరణ బిల్లు 2026. దేశంలో పెరుగుతున్న కేసుల భారం తగ్గించి, న్యాయ ప్రక్రియ వేగవంతం చేసేందుకు ఈ బిల్లు ఉపయోగపడుతుంది. ప్రస్తుతం సుప్రీంకోర్టులో ఉన్న న్యాయమూర్తుల సంఖ్య పెంచడం, సిబ్బంది సామర్థ్యం పెంచడం ద్వారా కేసుల విచారణ వేగవంతం అవుతుందని భావిస్తున్నారు. మే 2026లో రాష్ట్రపతి ఆమోదించిన ఆర్డినెన్స్ స్థానంలో ఈ శాశ్వత చట్ట సవరణ బిల్లును లోక్‌సభలో చర్చించి ఆమోదించనున్నారు.

ఎఫ్సీఆర్ఏ బిల్లుపై కాంగ్రెస్, డీఎంకే వంటి విపక్షాలు అభ్యంతరం వ్యక్తం చేస్తున్నాయి. ఇది ఎన్జీఓల స్వతంత్రతను దెబ్బతీస్తుందని ఆ పార్టీలు ఆందోళన వ్యక్తం చేస్తున్నాయి. నిరసనల మధ్యే ఈ బిల్లులు సభ ముందుకు రావడం ఖాయమని సూచనలు కనిపిస్తున్నాయి.