చాతుర్మాస్య దీక్ష ప్రారంభం: గృహస్థులు విధియ నాడు పాటించాల్సిన నియమాలు, లక్ష్మీనారాయణ పూజ

చాతుర్మాస్య దీక్ష గృహస్థుల కోసం ఆషాఢ మాసం విధియ (ద్వితీయ) తిథి నాడు ప్రారంభమవుతుంది. ఈ వ్రతంలో ఏకభుక్తం ప్రధానం. ఒక పూట మాత్రమే ఆహారం తీసుకోవాలి.

ప్రాచీన ఆచారం ప్రకారం, గృహస్థులు ఈ రోజు నుంచి ఉప్పు, నూనెతో చేసిన పదార్థాలు, వంకాయలు, బంగాళదుంపలు, ముల్లంగి, అనపకాయ వంటి భూమి లోపల లభించే దుంపలు తీసుకోకూడదు. బదులుగా చప్పటి భోజనం చేయాలి. శరీరానికి సమతౌల్యం కోసం ఏదో ఒక పదార్థాన్ని విడిచిపెట్టమని సూచించారు.

ఈ రోజున లక్ష్మీనారాయణ స్వామి పూజ చేయాలి. శంఖ, చక్ర, గద, పద్మాలతో అలంకరించిన లక్ష్మీనారాయణ చిత్రపటాన్ని లేదా ఉత్సవ మూర్తిని పూజించాలి. గసగసాలు, కొబ్బరికోరు, పంచదారతో చేసిన ఉండలను నివేదించాలి.

అలాగే, విధియ తిథిని పురస్కరించుకుని, నిద్రించడానికి ఉపయోగించే చాప, దిండు, దుప్పటి, కంబళి వంటి వస్తువులను దానం చేయాలి. మంచినీటి కోసం మరచెంబును కూడా దానం చేయడం ఆచారం. ఈ వ్రతం భార్యాభర్తల మధ్య అన్యోన్యత, ప్రేమానుబంధాలు పెరగడానికి ఉపయోగపడుతుందని విశ్వాసం.