చైనాలో ‘నేకెడ్ అఫీషియల్’లపై కఠిన చర్యలు; కుటుంబం విదేశాల్లో ఉంటే పదవీచ్యుతి

చైనా కమ్యూనిస్ట్ పార్టీ ‘నేకెడ్ అఫీషియల్’ అనే పద్ధతిని అనుసరిస్తూ ప్రభుత్వ ఉన్నతాధికారులు, నాయకులపై ప్రత్యేక దృష్టి పెడుతోంది.

ఒక అధికారి భార్య, పిల్లలు విదేశాలకు వెళ్లి స్థిరపడితే, ఆ అధికారిని ‘నేకెడ్ అఫీషియల్’గా పరిగణిస్తారు. దీన్ని అవినీతి, నల్లధనం తరలింపు, దేశ భద్రతకు ముప్పుగా చైనా భావిస్తుంది.

గత పదేళ్లలో చైనా 10 వేల మందికి పైగా ఉన్నతాధికారులను తనిఖీ చేసింది. వందలాది మందిని కీలక రక్షణ, దౌత్య, నిఘా పదవుల నుంచి తొలగించింది. విదేశీ ఆస్తులు బహిర్గతం చేయాలని లేదా కుటుంబాన్ని చైనాకు తిరిగి పంపించాలని కఠిన నిబంధనలు విధించింది.

ఇది కాకుండా భారతదేశంలో పరిస్థితి భిన్నంగా ఉంది. ఇక్కడ రాజకీయ నాయకులు, సీనియర్ అధికారుల పిల్లలు చాలా మంది విదేశాల్లో చదువుకోవడం, ఉద్యోగాలు చేయడం, శాశ్వత నివాసాలు పొందడం సాధారణం. ఇది వ్యక్తిగత స్వేచ్ఛగా భావించినప్పటికీ, దేశంలో విద్యా, పాలనా లోపాలపై యువత ఆందోళనలు చేస్తున్న సమయంలో ఈ ధోరణి అనుమానాలకు దారితీస్తుందని కొందరు గమనిస్తున్నారు.