చిరంజీవి ఏపీ బ్రాండ్ అంబాసిడర్ అవుతారన్న ప్రచారంపై ఆయన టీం స్పందన

నటుడు చిరంజీవిని ఆంధ్రప్రదేశ్ రాష్ట్ర బ్రాండ్ అంబాసిడర్‌గా నియమిస్తారన్న వదంతులను చిరంజీవి టీం ఖండించింది. ఈ ప్రచారం వాస్తవం కాదని స్పష్టం చేసింది.

గుజరాత్ రాష్ట్రానికి అమితాబ్ బచ్చన్ బ్రాండ్ అంబాసిడర్‌గా వ్యవహరిస్తున్నట్లే, ఏపీకి చిరంజీవిని నియమించనున్నారని సోషల్ మీడియాలో వార్తలు వచ్చాయి. త్వరలో అధికారిక ప్రకటన రానుందని కూడా జరిగిన ప్రచారం.

చిరంజీవి టీం ఒక నోట్ విడుదల చేసింది. ఆ వదంతులను నమ్మవద్దని, తప్పుడు సమాచారాన్ని షేర్ చేయవద్దని అభిమానులను కోరింది. చిరంజీవికి సంబంధించి ఏదైనా అధికారిక ప్రకటన ఉంటే, తమ నుంచే వెలువడుతుందని స్పష్టం చేసింది.

గతంలోనూ చిరంజీవి పేరుతో ఇలాంటి తప్పుడు ప్రచారాలు జరిగాయి. వాటిని కూడా ఆయన టీం ఖండిస్తూ వచ్చింది. అభిమానులు, మీడియా ప్రతినిధులు అధికారిక సమాచారం కోసం మాత్రమే ఎదురుచూడాలని చిరంజీవి టీం విజ్ఞప్తి చేసింది.