కడపలో జెఎస్డబ్ల్యు పారిశ్రామిక పార్కును సీఎం చంద్రబాబు ప్రారంభం
కడప జిల్లాలో సీఎం చంద్రబాబు నాయుడు పర్యటించారు. చామల గ్రామంలో శ్రీ సుందరేశ్వర స్వామి ఆలయంలో ప్రత్యేక పూజలు నిర్వహించారు. అనంతరం జెఎస్డబ్ల్యు రాయలసీమ స్టీల్ ప్లాంట్ వద్ద జెఎస్డబ్ల్యు పారిశ్రామిక పార్కును ప్రారంభించారు. హెవీ సెక్షన్ మిల్ కాంక్రీట్ పోరింగ్ కార్యక్రమంలో పాల్గొన్నారు.
ఈ సందర్భంగా జెఎస్డబ్ల్యు ప్రతినిధులు మాట్లాడుతూ, కంపెనీ ఆంధ్రప్రదేశ్లో ప్రస్తుత, భవిష్యత్ పెట్టుబడులతో కలిపి మొత్తం 50 వేల కోట్ల రూపాయలను ఇన్వెస్ట్ చేస్తోందని తెలిపారు. ఈ ప్లాంట్ భారతదేశపు మొట్టమొదటి గ్రీన్ స్టీల్ ప్లాంట్గా ఉంటుందని, స్క్రాప్ రీసైక్లింగ్, సర్క్యులర్ ఎకానమీ విధానంలో నిర్మిస్తున్నట్లు వివరించారు.
ఈ పార్కు పూర్తిగా రెన్యూవబుల్ ఎనర్జీతో పనిచేస్తుంది. జీరో డిశ్చార్జ్, జీరో ఎమిషన్ లక్ష్యంగా ఉంటుంది. ఇక్కడ తొలిసారిగా 1 మీటర్ వెడల్పు ఉక్కు బీమ్లను ఉత్పత్తి చేస్తారు. ఇవి ఇన్ఫ్రాస్ట్రక్చర్, బ్రిడ్జీలు, భవనాల నిర్మాణంలో ఉపయోగిస్తారు. యూరప్కు ఎగుమతి చేయడానికి అవకాశం ఉంది. రానున్న కాలంలో ఈ ప్రాజెక్టు రాయలసీమ ప్రాంత అభివృద్ధికి, ఉపాధికి దోహదం చేస్తుందని జెఎస్డబ్ల్యు పేర్కొంది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
