కుప్పంలో CM చంద్రబాబు రెండో రోజు పర్యటన: 3847 కోట్ల అభివృద్ధి కార్యక్రమాలు

ఆంధ్రప్రదేశ్ CM చంద్రబాబు నాయుడు కుప్పం పర్యటన రెండో రోజు కొనసాగుతోంది. మూడు రోజుల పర్యటనలో భాగంగా మొత్తం 3847 కోట్ల రూపాయల విలువైన వివిధ అభివృద్ధి కార్యక్రమాలకు ఆయన శ్రీకారం చుట్టబోతున్నారు.

ఇవాళ రెండో రోజు పర్యటనలో భాగంగా నలగంపల్లిలో నెట్ జీరో మోడల్ హౌస్‌లను సందర్శించనున్నారు. సుమారు 5000 మోడల్ హౌస్‌లను నిర్మించి లబ్దిదారులకు అందించనున్నారు. అనంతరం స్వర్ణకుప్పం విజన్ 2029 పై ఉన్నత స్థాయి సమీక్ష నిర్వహించనున్నారు. IIT నిపుణులతో కూడా ఆయన చర్చలు జరపనున్నారు.

స్వర్ణకుప్పం ప్రాజెక్ట్ ద్వారా కుప్పం రూపురేఖలను పూర్తిగా మార్చాలని CM చంద్రబాబు నాయుడు లక్ష్యంగా పెట్టుకున్నారు. ఆధునిక రోడ్లు, మెరుగైన డ్రైనేజీ వ్యవస్థ, ప్రతి ఇంటిపై సోలార్ ప్యానెల్స్ వంటి సౌకర్యాలు కల్పించనున్నారు.

కుప్పం ఏరియా హాస్పిటల్‌లో CT స్కాన్ మరియు డయాలసిస్ సెంటర్‌ను ఇవాళ ప్రారంభించనున్నారు. కార్పొరేట్ హాస్పిటల్ తరహాలో కుప్పం ఏరియా హాస్పిటల్‌ను అభివృద్ధి చేయనున్నారు. అలాగే 117.75 కోట్ల రూపాయలతో మోడల్ బస్ స్టాండ్ మరియు కొత్త డిపో నిర్మాణానికి శ్రీకారం చుట్టనున్నారు. LPG స్మశానవాటికను కూడా ఇవాళ ప్రారంభించనున్నారు.

ఈ కార్యక్రమాల అనంతరం బహిరంగ సభలో ప్రసంగించనున్నారు CM చంద్రబాబు. సాయంత్రం పార్టీ కార్యకర్తలతో సమన్వయ కమిటీ భేటీ జరగనున్నది. SIR తీరు, ఓటర్ల జాబితా మరియు పార్టీ క్యాడర్‌కు దిశా నిర్దేశం చేయడం ఈ సమావేశంలో ముఖ్య అంశాలు. కంచర్ల శ్రీకాంత్ తొలగింపు తర్వాత తానే కుప్పం నియోజకవర్గాన్ని స్వయంగా పర్యవేక్షిస్తానని CM చంద్రబాబు ప్రకటించిన నేపథ్యంలో ఈ పార్టీ భేటీ కీలకంగా మారింది.