తాడిపత్రిలో గోవా మద్యం పట్టుబడింది; లారీలో 400 బాటిళ్లు స్వాధీనం

అనంతపురం జిల్లా తాడిపత్రిలో గోవా నుంచి అక్రమంగా తరలిస్తున్న మద్యం పట్టుబడింది. రైల్వే స్టేషన్ ఫ్లై ఓవర్ దగ్గర పోలీసులు లారీని తనిఖీ చేశారు. లారీలో ప్రత్యేకంగా ఏర్పాటు చేసిన బాక్సులో దాదాపు 400 మద్యం బాటిళ్లు బయటపడ్డాయి.

లారీ క్యాబిన్ వెనుక కింద ప్రత్యేక బాక్స్ ఏర్పాటు చేసి మద్యం దాచారు. గోవా నుంచి తాడిపత్రికి ఈ మద్యం తరలిస్తున్నట్టు పోలీసులు అనుమానిస్తున్నారు.

లారీకి రెండు నంబర్ ప్లేట్లు ఉన్నాయి. ఒకటి కర్ణాటక రిజిస్ట్రేషన్ కాగా, మరొకటి ఆంధ్రప్రదేశ్ రిజిస్ట్రేషన్ అని పోలీసులు గుర్తించారు.

తాడిపత్రి పట్టణ సీఐ ఆరోహణరావు నేతృత్వంలో పోలీసులు తనిఖీలు నిర్వహించారు. లారీతో పాటు మద్యం బాటిళ్లను స్వాధీనం చేసుకున్నారు. అక్రమ రవాణా వెనుక ఎవరున్నారో తెలుసుకునేందుకు దర్యాప్తు ప్రారంభించారు. మద్యం రవాణా మార్గంపై కూడా పోలీసులు విచారిస్తున్నారు.