TG Safe డైరెక్టర్ అవినాష్ మహంతి: ఆహారం, మందుల భద్రతపై ప్రత్యేక తనిఖీలు

తెలంగాణ ప్రభుత్వం ప్రజలకు సురక్షితమైన, నాణ్యమైన ఆహారం, మందులు అందించే లక్ష్యంతో TG Safe సంస్థను ఏర్పాటు చేసింది. ఈ సంస్థ డైరెక్టర్ అవినాష్ మహంతి మాట్లాడుతూ, TG Safe ప్రస్తుతం నిర్మాణ దశలో ఉందని తెలిపారు.

సంస్థకు కావాల్సిన నిర్మాణ ప్రతిపాదనలను ప్రభుత్వానికి పంపించామని ఆయన చెప్పారు. ఇప్పటికే Drug Control Administration విభాగం, Food Safety విభాగం, ల్యాబ్‌లు, పోలీస్ ఎన్ఫోర్స్‌మెంట్ బృందం TG Safe పరిధిలోకి వచ్చాయని వివరించారు. Food Safety విభాగానికి GHMC, IPM నుంచి అధికారులు వచ్చారని తెలిపారు.

ఆహార సంస్థలు అన్ని నిబంధనలు పాటించేలా చూడటం మొదటి లక్ష్యమని చెప్పారు. నకిలీ, కల్తీ ఉత్పత్తులపై కఠిన చర్యలు తీసుకుంటామని తెలిపారు. గత నెలలో ప్రత్యేక తనిఖీలు నిర్వహించామని, రాబోయే రోజుల్లో మరిన్ని తనిఖీలు ఉంటాయన్నారు.

ఆహార వ్యాపారులకు నిబంధనలపై అవగాహన కల్పిస్తామని, ప్రజల నుంచి ఫీడ్బ్యాక్ తీసుకుంటామని అవినాష్ మహంతి తెలిపారు.