మూడు TIMS ఆసుపత్రులకు ఒకే విధంగా వైద్యుల నియామకం: సీఎం రేవంత్ రెడ్డి ఆదేశం

మూడు TIMS ఆసుపత్రులకు ఒకే విధంగా వైద్యుల నియామకాలు చేపట్టాలని సీఎం రేవంత్ రెడ్డి అధికారులను ఆదేశించారు. ప్రభుత్వ వైద్య సేవలను మెరుగుపరిచే దిశగా ఆయన ఈ ఆదేశాలు జారీ చేశారు. TIMS ఆసుపత్రుల నిర్వహణ, వైద్యుల నియామకాలు, నిమ్స్ తో సమన్వయంపై సీఎం అధికారులతో సమీక్ష నిర్వహించారు.

ఉద్యోగుల బదిలీలు మూడు ఆసుపత్రుల మధ్య జరిగేలా చూడాలని సీఎం సూచించారు. నిమ్స్ లో బెడ్లు ఖాళీ లేకపోతే రోగులను సనత్ నగర్ TIMS కు తరలించాలని ఆదేశించారు. వైద్యులు పూర్తిగా రోగులకు చికిత్స అందించడంపైనే దృష్టి పెట్టాలని చెప్పారు.

హౌస్ కీపింగ్ సేవలను పూర్తిగా అవుట్ సోర్సింగ్ కు అప్పగించాలని సూచించారు. ప్రభుత్వ వైద్య కళాశాలలకు అదనపు నిధులు మంజూరు చేసేందుకు ప్రభుత్వం సిద్ధంగా ఉందని స్పష్టం చేశారు.

జూన్ 2 నాటికి అన్ని TIMS ఆసుపత్రులు అందుబాటులోకి రావాలని ఆదేశించారు. డిసెంబర్ నాటికి ఉస్మానియా ఆసుపత్రి నిర్మాణం పూర్తి చేయాలని అధికారులను ఆదేశించారు.