తిరుపతిలో మహిళపై దాడి కేసులో ముగ్గురిని అరెస్ట్ చేసిన పోలీసులు

తిరుపతిలోని బొమ్మగుంట ఎస్బీఐ ఏటీఎం రోడ్డులో మహిళపై దాడి జరిగింది. బాధితురాలు రాజేశ్వరి ఇచ్చిన ఫిర్యాదుతో తిరుపతి వెస్ట్ పోలీసులు ముగ్గురిని అరెస్టు చేశారు.

రాజేశ్వరి ఫిర్యాదు ప్రకారం ఇంటి యజమాని ఆనంద్ వారి నుంచి రూ.3 లక్షలు తీసుకున్నారు. ఆ మొత్తం తిరిగి ఇవ్వకుండా ఇల్లు ఖాళీ చేయాలని ఒత్తిడి చేశారని ఆమె ఆరోపించారు. ఆనంద్, సురేష్, శరవణన్ అనే ముగ్గురు ఇంటికి వచ్చి తనపై దాడి చేశారని, ఇంట్లో వస్తువులు ధ్వంసం చేశారని ఫిర్యాదులో పేర్కొన్నారు.

ఈ ఘటన సమయంలో ఆమె భర్త శివప్రసాద్ ఇంట్లో లేరు. ఎస్పీ ఆదేశాల మేరకు పోలీసులు రాత్రికే ముగ్గురిని అదుపులోకి తీసుకున్నారు. నేడు వారిని రిమాండ్‌కు పంపించినట్టు తిరుపతి వెస్ట్ ఇన్‌స్పెక్టర్ తెలిపారు. ఈ కేసు దర్యాప్తు కొనసాగుతోంది.