సీఎం విజయ్ చెన్నై మెట్రోలో ప్రయాణించి ప్రాజెక్టులను పరిశీలించారు

తమిళనాడు ముఖ్యమంత్రి విజయ్ శనివారం చెన్నైలో మెట్రో రైలు ప్రయాణం చేశారు. కత్తిపార జంక్షన్‌లో చేపడుతున్న మెట్రో రైల్ నిర్మాణ పనులను స్వయంగా పరిశీలించేందుకు ఆయన ఈ విధంగా వెళ్లారు.

నందనంలోని CMRL ప్రధాన కార్యాలయంలో మెట్రో రైల్ ప్రాజెక్ట్-2 పనులపై అధికారులతో సమీక్ష అనంతరం, గవర్నమెంట్ ఎస్టేట్ రైల్వే స్టేషన్ నుంచి నందనం వరకు సాధారణ మెట్రోలో ప్రయాణించారు. స్టేషన్ కౌంటర్ వద్ద క్యూలో నిలబడి నగదు చెల్లించి టికెట్ కొనుగోలు చేశారు. మెట్రోలో ప్రయాణికుల మధ్య కూర్చొని వారి సమస్యలను అడిగి తెలుసుకున్నారు. ప్రయాణికులు ఆయనతో సెల్ఫీలు దిగారు.

నందనం తర్వాత కారులో గిండి కత్తిపార ఫ్లై ఓవర్ ప్రాంతానికి చేరుకున్న విజయ్, అక్కడ జరుగుతున్న మెట్రో నిర్మాణ పనులను దగ్గరుండి పరిశీలించారు. ఇంజనీరింగ్ నిపుణులతో మాట్లాడి పనుల వేగం పెంచాలని ఆదేశించారు.

తర్వాత పోరూర్ మెట్రో రైల్వే స్టేషన్ నుంచి పున్దమల్లి వరకు డ్రైవర్ లేని మెట్రో రైలులో ప్రయాణించారు. ఈ ప్రయాణంలో రైలు వేగం, సిగ్నలింగ్ వ్యవస్థ, పనుల నాణ్యతపై అధికారులను వివరాలు అడిగి తెలుసుకున్నారు. ఆయన వస్తున్నారని తెలుసుకున్న టీవీకే కార్యకర్తలు, అభిమానులు నందనం, గిండి ప్రాంతాల్లో పెద్ద సంఖ్యలో గుమిగూడారు.

ముఖ్యమంత్రి నేరుగా రంగంలోకి దిగి గ్రౌండ్ రియాలిటీ పరిశీలించడం తమిళనాడు రాజకీయాల్లో కొత్త చర్చకు దారితీసిందని రాజకీయ విశ్లేషకులు అభిప్రాయపడుతున్నారు. ఈ పర్యటనలో చేసిన పరిశీలనల ద్వారా ప్రాజెక్టుల పురోగతికి ఊతమిస్తుందని నిపుణులు భావిస్తున్నారు.