వర్షాలతో హాస్టల్‌లో లీకేజీ అని ఫిర్యాదు: కొమరం భీం జిల్లా కలెక్టర్ హరిత ఆకస్మిక తనిఖీ; విద్యార్థుల గదుల్లో సమస్య లేదు

కొమరం భీం జిల్లా వాంకిడి మండలంలోని ఎస్సీ బాలుర హాస్టల్‌ను జిల్లా కలెక్టర్ హరిత శుక్రవారం తనిఖీ చేశారు. భారీ వర్షాల కారణంగా హాస్టల్ పైకప్పు నుంచి నీళ్లు కారుతున్నాయన్న సమాచారంతో ఆమె స్పాట్ ఇన్‌స్పెక్షన్ చేపట్టారు.

విద్యార్థుల గదుల్లో ఎలాంటి లీకేజీ లేదని కలెక్టర్ ధ్రువీకరించారు. అన్ని గదుల్లో RCC పైకప్పు ఉండటంతో వర్షం నీరు లోపలికి రావడం లేదని ఆమె తెలిపారు. కేవలం స్టోర్ రూంలు, వంటగదిలో మాత్రమే స్వల్పంగా నీళ్లు కారుతున్నాయి.

తనకు విద్యార్థుల ఇబ్బంది గురించి మెసేజ్ వచ్చినట్లు కలెక్టర్ వెల్లడించారు. ప్రస్తుత భవనం శిథిలమైనా విద్యార్థులకు ఇప్పటికి భద్రతా సమస్య లేదని, వారు సౌకర్యంగా ఉన్నారని చెప్పారు. కొత్త భవన నిర్మాణ ప్రతిపాదనను ప్రభుత్వానికి పంపుతామని, అవసరమైతే మెరుగైన భవనంలో తాత్కాలిక ఏర్పాటు చేస్తామని హరిత వివరించారు.