కమర్షియల్ LPG సిలిండర్ ధర పెంపు: ఢిల్లీలో 19 కిలోల సిలిండర్‌కు ₹42 అదనం

కమర్షియల్ గ్యాస్ సిలిండర్ల ధరలను చమరు సంస్థలు పెంచాయి. 19 కిలోల కమర్షియల్ సిలిండర్ ధరను ఢిల్లీలో ₹42 పెంచారు. దీంతో ఢిల్లీలో 19 కిలోల సిలిండర్ ధర ₹3,013కు చేరుకుంది. అదే విధంగా 5 కిలోల సిలిండర్ ధర కూడా పెంచారు. దీంతో ఆ సిలిండర్ ధర ₹821కు చేరుకుంది. హైదరాబాద్‌లో ప్రస్తుతం ₹3,315 ఉన్న ధరకు ₹42 అదనంగా కలుస్తుంది. ఈ రోజు నుంచే పెంచిన ధరలు అమల్లోకి వచ్చాయి. అయితే గృహ వినియోగ LPG సిలిండర్ల ధరలో ఎలాంటి మార్పు లేదని చమరు సంస్థలు స్పష్టం చేశాయి.

దేశ ఇంధన భద్రతను బలోపేతం చేయడానికి మరియు పెట్రోలియం ఉత్పత్తులకు తగినంత నిల్వలను నిర్వహించడానికి ప్రభుత్వం చేస్తున్న ప్రయత్నాల్లో భాగంగా ధరలు సవరించినట్లు పెట్రోలియం మంత్రిత్వ శాఖ తెలిపింది. చమరు సంస్థలు కనీసం 30 రోజుల LPG నిల్వను నిర్వహించాలని ప్రభుత్వం కోరింది.

ప్రస్తుతం దేశంలో పెట్రోల్, డీజిల్, LPG మరియు సహజ వాయువు నిల్వలు తగినంతగా ఉన్నాయని, రిఫైనరీలు గరిష్ట స్థాయిలో పనిచేస్తున్నాయని కేంద్రం ప్రకటించింది. LPG ఉత్పత్తి రోజుకు దాదాపు 90 MMSCMD తో సర్వకాలిక గరిష్ట స్థాయికి చేరుకుందని, LPG సరఫరాలో ఎటువంటి అంతరాయాలు లేవని కేంద్రం స్పష్టం చేసింది.